ದುಬೈ: ರಂಝಾನ್ ಪ್ರಯುಕ್ತ 10,000 ಕ್ಕಿಂತ ಹೆಚ್ಚಿನ ವಸ್ತುಗಳ ಮೇಲೆ ಯುಎಇಯಲ್ಲಿ ಭಾರೀ ದರ ಕಡಿತ ಲಭ್ಯವಾಗಲಿದೆ. ಶೇಕಡಾ 25ರಿಂದ 50ರ ವರೆಗೆ ಬೆಲೆ ಕಡಿತ ಘೋಷಿಸಲಾಗಿದೆ. ಹಣಕಾಸು ಸಚಿವಾಲಯದ ಗ್ರಾಹಕರ ರಕ್ಷಣಾ ಸಮಿತಿಯ ಮುಖ್ಯಸ್ಥ ಡಾ. ಹಾಶಿಮ್ ಅಲ್ ನುಐಮಿಯವರು ಈ ವಿಷಯವನ್ನು ತಿಳಿಸಿದ್ದಾರೆ.
ಯುಎಇ ಮಾರುಕಟ್ಟೆಯಲ್ಲಿನ ಸುಮಾರು 600 ವ್ಯಾಪಾರ ಕಂಪನಿಗಳು ಈ ಸಂಭ್ರಮದಲ್ಲಿ ಭಾಗಿಯಾಗಲಿದೆ. ಜೊತೆಗೆ, ವಿವಿಧ ಉತ್ಪನ್ನಗಳ ದರವನ್ನು ನಿಗದಿಪಡಿಸಲಾಗಿದೆ. ಮತ್ತು ಕೊಡುಗೆಗಳನ್ನೂ ಪ್ರಕಟಿಸಲಾಗಿದೆ.
ಈ ವರ್ಷ,ಹಲವು ಸಾಮಾನುಗಳ ಎರಡು ಬಗೆಯ ಬಾಸ್ಕೆಟ್ ಗಳನ್ನು ಪರಿಚಯಿಸಲಾಗಿದೆ. ಜನರು ಸಾಮಾನ್ಯವಾಗಿ ಖರೀದಿಸಲು ಬಯಸುವ 20 ವಸ್ತುಗಳ ಬ್ಯಾಸ್ಕೆಟ್ 100 ದಿರ್ಹಂ ಮತ್ತು ಎರಡನೆಯ ಬಾಸ್ಕೆಟ್ ಗೆ 200 ದಿರ್ಹಂ ಬೆಲೆ ನಿಗದಿಪಡಿಸಲಾಗಿದೆ.
