ಕುವೈತ್ ಸಿಟಿ: ಕುವೈತ್ ಸಾರ್ವಜನಿಕ ಸಾರಿಗೆ ಸಂಸ್ಥೆಯು ಸಾರ್ವಜನಿಕರಿಗೆ ಉಚಿತ ಬಸ್ ಸೇವೆಯನ್ನು ನೀಡುತ್ತಿದೆ. ರಾಜಧಾನಿಯಿಂದ ದೇಶದ ವಿವಿಧ ಭಾಗಗಳಿಗೆ ಉಚಿತ ಬಸ್ ಸೇವೆಯನ್ನು ಪ್ರಾರಂಭಿಸುವ ಸಮಾರಂಭದಲ್ಲಿ ರಾಜ್ಯಪಾಲ ಶೈಖ್ ತಲಾಲ್ ಅಲ್ ಖಾಲಿದ್ ಅಲ್ ಸಬಾಹ್ ಉಪಸ್ಥಿತರಿದ್ದರು ಎಂದು ಕೆಪಿಟಿಸಿ ಸಿಇಒ ಮನ್ಸೂರ್ ಅಲ್ ಸಾದ್ ಕುವೈತ್ ಸುದ್ದಿ ಸಂಸ್ಥೆಗೆ ತಿಳಿಸಿದ್ದಾರೆ.
ಕುವೈತ್ ನಗರದ ನಾಲ್ಕು ಸ್ಥಳಗಳಿಂದ ಸೇವೆಯನ್ನು ಪ್ರಾರಂಭಿಸಲಾಗಿದೆ. ಮುಬಾರಕೀಯ ಪ್ರಾಂತ್ಯದಿಂದ, ಶಾರ್ಕ್ ಮಾಲ್ನ ಪಾರ್ಕಿಂಗ್ ಸ್ಥಳ, ಜಹ್ರಾ ರೌಂಡ್ ಎಬೌಟ್ ಬಳಿಯ ಯಾರ್ಡ್, ಶೆರಾಟನ್ ಹೋಟೆಲ್ ಬಳಿಯ ಪಾರ್ಕಿಂಗ್ ಸೆಂಟರ್, ಸನಾಬೆಲ್ ಕಾಂಪ್ಲೆಕ್ಸ್ ಮತ್ತು ಮಿರ್ಗಾಬ್ ಪ್ರದೇಶದ ಮಿನಿಸ್ಟ್ರಿ ಸಂಕೀರ್ಣ ಮುಂತಾದ ನಾಲ್ಕು ನಿಲ್ದಾಣಗಳಿಗೆ ಉಚಿತ ಪ್ರಯಾಣದ ವ್ಯವಸ್ಥೆಯನ್ನು ಮಾಡಲಾಗಿದೆ ಎಂದು ಕುವೈತ್ ಪಬ್ಲಿಕ್ ಟ್ರಾನ್ಸ್ಪೋರ್ಟ್ ಕಂಪನಿಯು ಹೇಳಿದೆ. ಪ್ರತಿ ಅರ್ಧಗಂಟೆಗೊಮ್ಮೆ ಬೆಳಗ್ಗೆ 10ರಿಂದ ರಾತ್ರಿ 10ರವರೆಗೆ ಬಸ್ ಸೇವೆ ಲಭ್ಯವಿದೆ.
ಪ್ರಸ್ತುತ ಮುಂದಿನ ವರ್ಷ ಮಾರ್ಚ್ ವರೆಗೆ ಸೇವೆ ನಡೆಸಲು ನಿರ್ಧರಿಸಲಾಗಿದೆ, ಆದರೆ ಸೇವೆಯನ್ನು ವಿಸ್ತರಿಸುವ ಸಾಧ್ಯತೆಯಿದೆ ಮತ್ತು ಪ್ರಸ್ತುತ ಆರು ಬಸ್ಗಳಿಗೆ ಮಾತ್ರ ಅನುಮೋದನೆ ನೀಡಲಾಗಿದೆ ಎಂದು ಸಿಇಒ ಮನ್ಸೂರ್ ಅಲ್ಸಾದ್ ಹೇಳಿದರು.