ಬಯೋಮೆಟ್ರಿಕ್ ವ್ಯವಸ್ಥೆ ಜಾರಿ- ಹಜ್,ಉಮ್ರಾ ವೀಸಾಗಳು ಸ್ಮಾರ್ಟ್ ಫೋನ್ ಮೂಲಕ ಲಭ್ಯ

ರಿಯಾದ್: ಸೌದಿ ಅರೇಬಿಯಾ ಬಯೋಮೆಟ್ರಿಕ್ ವ್ಯವಸ್ಥೆಯನ್ನು ಪರಿಚಯಿಸಿದ್ದು, ಹಜ್ ಮತ್ತು ಉಮ್ರಾ ಯಾತ್ರಾರ್ಥಿಗಳು ಸ್ಮಾರ್ಟ್ ಫೋನ್ ಮೂಲಕ  ವೀಸಾಗಳನ್ನು ಪಡೆಯಲು ಅವಕಾಶ. ಹೊಸ ವ್ಯವಸ್ಥೆಯು ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ಸಹಯೋಗದಲ್ಲಿದೆ.

ಯಾತ್ರಿಕರು ನೀಡುವ ವೈಯಕ್ತಿಕ ಮಾಹಿತಿಯೊಂದಿಗೆ ವೀಸಾಗಳನ್ನು ಸ್ಮಾರ್ಟ್‌ಫೋನ್‌ನಲ್ಲಿ ಪಡೆಯಬಹುದು. ಈ ಹಿಂದೆ. ವಿದೇಶಿಯರು ಯಾವುದೇ ಏಜೆನ್ಸಿಗಳ ಮೂಲಕ ವೈಯಕ್ತಿಕ ಮಾಹಿತಿಯನ್ನು ಉಮ್ರಾ ಮತ್ತು ಹಜ್‌ಗಿಂತ ಮೊದಲು ಒದಗಿಸುತ್ತಿದ್ದರು. ಇನ್ಮುಂದೆ  ಇದನ್ನು ನೇರವಾಗಿ ಪ್ರತಿಯೊಬ್ಬರಿಗೂ ನೀಡಬಹುದು. ಬೆರಳಚ್ಚುಗಳು ಸೇರಿದಂತೆ ಪ್ರಮುಖ ವೈಯಕ್ತಿಕ ವೈಶಿಷ್ಟ್ಯಗಳನ್ನು ರೆಕಾರ್ಡ್ ಮಾಡುವ ಬಯೋಮೆಟ್ರಿಕ್ ಆಪ್ ಅನ್ನು ಸೌದಿ ಅರೇಬಿಯಾ ಇದೀಗ ಬಿಡುಗಡೆ ಮಾಡಿದೆ.

ವಿದೇಶಾಂಗ ಸಚಿವ ಅಮೀರ್ ಫೈಸಲ್ ಬಿನ್ ಫರ್ಹಾನ್ ಯೋಜನೆಯನ್ನು ಉದ್ಘಾಟಿಸಿದರು. ಇದನ್ನು ವೀಸಾ ಮತ್ತು ಟ್ರಾವೆಲ್ ಸೊಲ್ಯೂಷನ್ ಕಂಪನಿ ಮೂಲಕ ಕಾರ್ಯಗತ ಗೊಳಿಸಲಾಗುತ್ತದೆ. ಯಾತ್ರಾರ್ಥಿಗಳಿಗೆ ಒದಗಿಸುವ ಸೇವೆಗಳನ್ನು ಸುಧಾರಿಸುವ ಮತ್ತು ಪ್ರಕ್ರಿಯೆಯನ್ನು ಸುಲಭಗೊಳಿಸುವ ಉದ್ದೇಶವನ್ನು ಈ ಆಪ್ ಹೊಂದಿದೆ. ಹಜ್ ಮತ್ತು ಉಮ್ರಾ ವೀಸಾಗಳಿಗೆ ಅರ್ಜಿ ಸಲ್ಲಿಸುವವರು ತಮ್ಮ ವೈಯಕ್ತಿಕ ವೈಶಿಷ್ಟ್ಯಗಳನ್ನು ತಮ್ಮ ದೇಶಗಳಿಂದ ಸ್ಮಾರ್ಟ್ ಫೋನ್ ಮೂಲಕ ನೋಂದಾಯಿಸಿಕೊಳ್ಳಬಹುದು. ವೀಸಾ ನೀಡುವ ಕೇಂದ್ರಗಳಿಗೆ ಭೇಟಿ ನೀಡುವ ಅಗತ್ಯವಿಲ್ಲ. ಬಯೋಮೆಟ್ರಿಕ್ ವ್ಯವಸ್ಥೆಯಲ್ಲಿ ನೋಂದಣಿಗೆ ಅನುಗುಣವಾಗಿ ವೀಸಾಗಳನ್ನು ವಿದ್ಯುನ್ಮಾನವಾಗಿ ನೀಡಲಾಗುತ್ತದೆ. ಸ್ಮಾರ್ಟ್‌ಫೋನ್‌ಗಳ ಮೂಲಕ ಬಯೋಮೆಟ್ರಿಕ್ ವ್ಯವಸ್ಥೆಯನ್ನು ಪರಿಚಯಿಸುವುದರೊಂದಿಗೆ, ಉಮ್ರಾ ಹಜ್ ವೀಸಾ ಪ್ರಕ್ರಿಯೆಯೂ ವೇಗಗೊಳ್ಳುತ್ತದೆ.