ಅಬುಧಾಬಿ: ಕೋವಿಡ್ 19 ಹರಡುವಿಕೆಯಿಂದ ಸಂಕಷ್ಟಕ್ಕೀಡಾಗಿರುವವರಿಗೆ ಸಹಾಯ ಮಾಡುತ್ತಿರುವ ಸಂಘಟನೆಗಳಿಗೆ ಲುಲು ಗ್ರೂಪ್ ಅಧ್ಯಕ್ಷ ಎಂ.ಎ. ಯೂಸುಫ್ ಅಲಿಯವರ ಸಹಾಯ ಹಸ್ತ.
ಕೋವಿಡ್ನಿಂದಾಗಿ ಆಹಾರ ಸಿಗದೆ ಕಷ್ಟಪಡುತ್ತಿರುವ ಕಡಿಮೆ ಆದಾಯದ ಕಾರ್ಮಿಕರಿಗೆ ಆಹಾರವನ್ನು ವಿತರಿಸಲು ಯೂಸುಫ್ ಅಲಿಯವರು 1 ಲಕ್ಷ ದಿರ್ಹಮ್ ನೀಡಿದ್ದಾರೆ.
ಈ ಹಣವನ್ನು ದುಬೈ ಕೆಎಂಸಿಸಿ (ಎಇಡಿ 50,000), ಇಂಕಾಸ್ ದುಬೈ, ಶಾರ್ಜಾ (ಎಇಡಿ 25,000) ಮತ್ತು ಅಬುಧಾಬಿ ಇಸ್ಲಾಮಿಕ್ ಸೆಂಟರ್ (ಎಇಡಿ 25,000) ಗೆ ನೀಡಲಾಯಿತು.
ಈ ಹಿಂದೆ ಅವರು ಕೇರಳ ಮುಖ್ಯಮಂತ್ರಿಯವರ ಪರಿಹಾರ ನಿಧಿಗೆ 10 ಕೋಟಿ ರೂ. ಮತ್ತು ಪಿಎಂ ಕೇರ್ಸ್ ಯೋಜನೆಗೆ 25 ಕೋಟಿ ರೂ.ಸಹಾಯ ನೀಡಿದ್ದಾರೆ. ಕೇರಳದಲ್ಲಿ ಮಾಸ್ಕ್ ಕೊರತೆಯನ್ನು ನೀಗಿಸಲು ಒಂದು ಲಕ್ಷ ಮಾಸ್ಕ್ ನೀಡಲಾಗುವುದು ಎಂದು ಅವರು ಕೇರಳ ಸರ್ಕಾರಕ್ಕೆ ತಿಳಿಸಿದ್ದಾರೆ.