ಕುವೈತ್ ಸಿಟಿ: ಕುವೈತ್ನಲ್ಲಿ ಮೂರು ತಿಂಗಳ ಪ್ರವಾಸಿ ವೀಸಾ ದೇಶದಲ್ಲಿ ವಾಸಿಸುವ ವಿದೇಶಿ ಪ್ರಜೆಗಳ ಸಂಗಾತಿ ಮತ್ತು ಮಕ್ಕಳಿಗೆ ಮಾತ್ರವಾಗಿದ್ದು, ಇತರ ಸಂದರ್ಶಕರಿಗೆ ಒಂದು ತಿಂಗಳಿಗಿಂತ ಹೆಚ್ಚು ಕಾಲ ವೀಸಾ ನೀಡದಂತೆ ಸಂಬಂಧಪಟ್ಟ ಅಧಿಕಾರಿಗಳಿಗೆ ಪುನರ್ವಸತಿ ಸಚಿವಾಲಯ ಸೂಚಿಸಿದೆ.
ಗೃಹ ಇಲಾಖೆ ಇತ್ತೀಚೆಗೆ ಹೊರಡಿಸಿದ ಆದೇಶದ ಪ್ರಕಾರ, ಪೋಷಕರು ಮತ್ತು ಒಡಹುಟ್ಟಿದವರಿಗೆ ವೀಸಾ ಕೇವಲ ಒಂದು ತಿಂಗಳು ಮಾತ್ರ ಅವಕಾಶವಿದ್ದು, ವ್ಯಾಪಾರ ಅಗತ್ಯಗಳಿಗಾಗಿ ಸಂದರ್ಶಿಸುವರಿಗೆ ಒಂದು ತಿಂಗಳ ವೀಸಾ ನೀಡಲಾಗುವುದು. ಈ ಎರಡು ವಿಭಾಗಗಳ ಅವಧಿಯನ್ನು ಇನ್ನಷ್ಟು ಸುದೀರ್ಘಗೊಳಿಸದಂತೆ ಅಧಿಕಾರಿಗಳು ದೇಶಾದ್ಯಂತದ ಎಲ್ಲಾ ವಸತಿ ಕಚೇರಿಗಳಿಗೆ ಮಾಹಿತಿ ನೀಡಿದ್ದಾರೆ.
ಸಂದರ್ಶಕರ ವೀಸಾದಲ್ಲಿ ತಮ್ಮ ಹೆತ್ತವರನ್ನು (ಪೋಷಕರು ಅಥವಾ ಸಂಗಾತಿಯ ಪೋಷಕರು) ಕರೆತರಲು ವಿದೇಶಿಯರು ಕನಿಷ್ಠ 500 ದಿನಾರ್ ವೇತನ ಪಡೆಯುವವರಾಗಿರಬೇಕು. ಪತ್ನಿ ಮತ್ತು ಮಕ್ಕಳನ್ನು ಕರೆತರಲು 250 ದಿನಾರ್ಗಳು ಮೂಲ ವೇತನವಿದ್ದರೆ ಸಾಕು. ಪ್ರಾಯೋಜಕರ ಕೆಲಸ, ಸಂದರ್ಭಗಳು ಮತ್ತು ಭೇಟಿಯ ಉದ್ದೇಶವನ್ನು ಅವಲಂಬಿಸಿ ವೀಸಾ ಅವಧಿಯನ್ನು ಕಡಿತಗೊಳಿಸಲು ವಲಸೆ ವ್ಯವಸ್ಥಾಪಕರಿಗೆ ಅಧಿಕಾರ ಇರುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
