ಕುವೈಟ್ ಏರ್ಪೋರ್ಟ್ ನಲ್ಲಿ ಸೇವಾ ಶುಲ್ಕ- ಏಪ್ರಿಲ್ 1 ರಿಂದ ಜಾರಿ

ಕುವೈಟ್ ಸಿಟಿ: ಕುವೈತ್ ಏರ್ಪೋರ್ಟ್ ನಲ್ಲಿ ಪ್ಯಾಸೆಂಜರ್ ಸೇವಾ ಶುಲ್ಕವಾಗಿ 8 ಕುವೈಟ್ ದಿನಾರ್‌ಗಳನ್ನು ವಸೂಲಿ ಮಾಡಲಾಗುತ್ತದೆ. ಅಧಿಕ ಶುಲ್ಕವು ಏಪ್ರಿಲ್ 1 ರಿಂದ ಜಾರಿಗೆ ಬರಲಿದೆ.
ಕುವೈಟ್ ಏರ್ ಪೋರ್ಟ್ ಮೂಲಕ ಪ್ರಯಾಣಿಸುವವರು 8 ಕುವೈಟ್ ದಿನಾರ್ ಹೆಚ್ಚುವರಿಯಾಗಿ ನೀಡಬೇಕಾಗುತ್ತದೆ. ಅಂತಾರಾಷ್ಟ್ರೀಯ ಪ್ರಯಾಣಿಕರಿಂದ ಏಪ್ರಿಲ್ 1 ರಿಂದ ಈ ಶುಲ್ಕವನ್ನು ಪಡೆಯಲು ನಿರ್ಧರಿಸಲಾಗಿದೆ.

ಈ ಮೊತ್ತವನ್ನು ಟಿಕೆಟ್ ಖರೀದಿಸುವ ಸಮಯದಲ್ಲಿಯೇ ಪ್ರಯಾಣಿಕರಿಂದ ಪಡೆಯಬೇಕಾಗಿದೆ ಎಂದು ಟ್ರಾವೆಲ್ ಏಜೆನ್ಸಿಗಳಿಗೆ ಆದೇಶ ನೀಡಲಾಗಿದ್ದು, 65 ವರ್ಷ ವಯಸ್ಸಿನ ವಯಸ್ಕ ನಾಗರಿಕರಿಗೆ, 2 ವರ್ಷದ ಕೆಳಗಿನ ಮಕ್ಕಳಿಗೆ , ವಿಕಲಾಂಗರಿಗೆ ಮತ್ತು ಗಡಿಪಾರು ಮಾಡಲಾಗುವವರಿಗೆ ಇದು ಅನ್ವಯಿಸುವುದಿಲ್ಲ.

ಎಮಿರೇಟ್ಸ್ ಏರ್ಲೈನ್ಸ್ ಈ ಬಗ್ಗೆ ಮಾಹಿತಿ ನೀಡಿದ್ದು, ಇತರ ಏರ್ವೇಸ್ ಕಂಪೆನಿಗಳು ಹೆಚ್ಚುವರಿ ಶುಲ್ಕವನ್ನು ಪಡೆಯುವ ಕ್ರಮಗಳನ್ನು ಶೀಘ್ರದಲ್ಲೇ ಸ್ವೀಕರಿಸಲಿದೆ ಎನ್ನಲಾಗಿದೆ.

Leave a Reply

Your email address will not be published. Required fields are marked *

error: Content is protected !!