ಕುವೈತ್ ಸಿಟಿ: ಕುವೈತ್‌ನಲ್ಲಿರುವ ವಲಸಿಗರಿಗೆ ದೀರ್ಘ ಕಾಲದಿಂದ ರದ್ದುಪಡಿಸಲಾಗಿದ್ದ ಕುಟುಂಬ ವೀಸಾವನ್ನು ಪುನರಾರಂಭಿಸಲಾಗಿದೆ. ಉಪಪ್ರಧಾನಿ, ರಕ್ಷಣಾ ಸಚಿವ ಮತ್ತು ಗೃಹ ವ್ಯವಹಾರಗಳ ಹಂಗಾಮಿ ಸಚಿವ ಶೈಖ್ ಫಹದ್ ಯೂಸುಫ್ ಸೌದ್ ಅಸ್ಸಬಾಹ್ ಅವರ ಪ್ರಸ್ತಾವನೆಯನ್ನು ಆಧರಿಸಿ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಆಂತರಿಕ ಸಚಿವಾಲಯ ಮಾಹಿತಿ ನೀಡಿದೆ.
ಅರ್ಜಿದಾರರು ಕನಿಷ್ಠ 800 ದಿನಾರ್‌ಗಳ ವೇತನವನ್ನು ಮತ್ತು ವಿಶ್ವವಿದ್ಯಾಲಯದ ಪದವಿಯನ್ನು ಹೊಂದಿರಬೇಕು. ಹೊಸ ನಿಯಮಗಳು ಮತ್ತು ಷರತ್ತುಗಳ ಪ್ರಕಾರ ಕುಟುಂಬಗಳಿಗೆ ವೀಸಾ ಎನ್ರೋಲ್ಮೆಂಟ್ ತೆರೆಯಲಾಗುವುದು ಎಂದು ಗೃಹ ವ್ಯವಹಾರಗಳ ಸಚಿವಾಲಯ ತಿಳಿಸಿದೆ. ಈ ಹಿಂದೆ, ಕುಟುಂಬ ವೀಸಾ ಪಡೆಯಲು ಕುವೈತ್‌ನಲ್ಲಿ ಖಾಯಂ ನಿವಾಸಿಯಾಗಿರುವ ವಿದೇಶಿಯರಿಗೆ ಕನಿಷ್ಠ ವೇತನ 450 ದಿನಾರ್‌ಗಳಾಗಿತ್ತು. ಹೊಸ ನಿರ್ದೇಶನದ ಅಡಿಯಲ್ಲಿ, ಅರ್ಜಿದಾರರ ಕನಿಷ್ಠ ವೇತನವನ್ನು 800 ದಿನಾರ್‌ಗಳಿಗೆ ಹೆಚ್ಚಿಸಲಾಗಿದೆ.
ಜೂನ್ 2022 ರಲ್ಲಿ, ಕುವೈತ್ ಕುಟುಂಬ ವೀಸಾಗಳನ್ನು ನೀಡುವುದನ್ನು ನಿಲ್ಲಿಸಿತು. ವಿಸಿಟ್ ವೀಸಾ ಸ್ಥಗಿತಗೊಂಡಿದ್ದರಿಂದ ವಲಸಿಗರಿಗೆ ತಮ್ಮ ಕುಟುಂಬವನ್ನು ಕರೆತರಲು ಅಸಾಧ್ಯವಾಗಿತ್ತು. ಹಳೆಯ ವೀಸಾ ಹೊಂದಿರುವವರಿಗೆ ಮಾತ್ರ ಪ್ರಸ್ತುತ ತಮ್ಮ ಕುಟುಂಬಗಳೊಂದಿಗೆ ಉಳಿದುಕೊಂಡಿದ್ದರು.
ಭಾರತೀಯರು ಸೇರಿದಂತೆ ಹಲವು ಕುಟುಂಬಗಳು ಹೊಸ ವೀಸಾ ಸಿಗದೇ ಸಂಕಷ್ಟಕ್ಕೆ ಸಿಲುಕಿದ್ದವು. ಪ್ರಸ್ತುತ, ಕುವೈತ್‌ನಲ್ಲಿ ಉದ್ಯೋಗ ವೀಸಾಗಳು ಮತ್ತು ವಾಣಿಜ್ಯ ಭೇಟಿ ವೀಸಾಗಳನ್ನು ಮಾತ್ರ ಅನುಮತಿಸಲಾಗಿದೆ. ಇದೀಗ ಕುಟುಂಬ ವೀಸಾ ಪುನರಾರಂಭಗೊಂಡಿದ್ದು, ವಲಸಿಗರಿಗೆ ದೊಡ್ಡ ಪರಿಹಾರವಾಗಿದೆ. ಇದು ದೇಶದ ಉದ್ಯಮ ವಲಯಕ್ಕೂ ಲಾಭವಾಗಲಿದೆ.
ಇನ್ನಷ್ಟು ಸುದ್ದಿಗಳು
ವಲಸಿಗರಿಗೆ ಶುಭ ಸುದ್ದಿ: ಜಿದ್ದಾ–ಕೋಝಿಕ್ಕೋಡ್ ನಡುವೆ ಫ್ಲೈನಾಸ್ ನೇರ ವಿಮಾನ ಸೇವೆ ಆರಂಭ
ಸಮಸ್ತ ಉಪಾಧ್ಯಕ್ಷ ಸಯ್ಯಿದ್ ಅಲಿ ಬಾಫಖಿ ತಂಙಳ್ ವಫಾತ್
ದಕ್ಷಿಣ ಕನ್ನಡ ಮುಸ್ಲಿಮ್ ವೆಲ್ಫೇರ್ ಅಸೋಸಿಯೇಷನ್ ಬಹರೈನ್: ನೂತನ ಪದಾಧಿಕಾರಿಗಳು
ಇಕ್ಬಾಲ್ ಬಾಳಿಲರಿಗೆ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ
ಹಾಲು–ಮೊಸರಿನ ದರ ಏರಿಕೆ: ಪರ್ಯಾಯದ ಹೆಸರಿನಲ್ಲಿ ಕಲಬೆರಕೆಯ ಅಪಾಯ
ಅಲ್ ಮದೀನದಲ್ಲಿ ವಿಜೃಂಭಿಸಿದ ವಿದ್ಯಾರ್ಥಿಗಳ ಸಾಹಿತ್ಯ–ಸಾಂಸ್ಕೃತಿಕ ಸಂಗಮ ‘ಗುಲ್ಶನ್’
ಮೀರಾಸ್ ಎಜು ಗೋಲ್ – ನೂತನ ಕಾರ್ಯನಿರ್ವಾಹಕ ಸಮಿತಿ ಅಸ್ತಿತ್ವಕ್ಕೆ
ಜೈಲು ಕಂಬಿಗಳ ಹಿಂದೆ ನರಳುವ ಜೀವಗಳು: ಕರಾಳ ಮಾದಕವಸ್ತು ಜಾಲದ ಕ್ರೂರ ಮುಖ
ಯೆನೆಪೋಯ ವಿಶ್ವವಿದ್ಯಾಲಯದಿಂದ ಕಾಂತಪುರಂ ಉಸ್ತಾದರಿಗೆ ಗೌರವ ಡಾಕ್ಟರೇಟ್
ಇಂದು ಕಾಪುವಿನಲ್ಲಿ ಐತಿಹಾಸಿಕ ಸಮಸ್ತ ತಾತ್ವಿಕ ಸಮಾವೇಶ- ಎಸ್ಸೆಸ್ಸೆಫ್ ಕಾಪು ಡಿವಿಷನ್ ಯಶಸ್ವಿಗೆ ಕರೆ