ಜಿದ್ದಾ: ದೇಶದಲ್ಲಿ ಸಾಮಾಜಿಕ ಅಂತರವನ್ನು ಪಾಲಿಸುವುದು ಮತ್ತು ಹೊರಾಂಗಣದಲ್ಲಿ ಮಾಸ್ಕ್ ಧರಿಸುವುದು ಸೇರಿದಂತೆ ಹೆಚ್ಚಿನ ಕರೋನವೈರಸ್ ನಿರ್ಬಂಧಗಳನ್ನು ಸೌದಿ ಅರೇಬಿಯಾ ಶನಿವಾರ ಕೊನೆಗೊಳಿಸಿದೆ.
ಎರಡು ಪವಿತ್ರ ಹರಂ ಮಸೀದಿಗಳು ಸೇರಿದಂತೆ ದೇಶದ ಎಲ್ಲಾ ಮಸೀದಿಗಳಲ್ಲಿ ಸಾಮಾಜಿಕ ಅಂತರ ಪಾಲಿಸಬೇಕೆಂಬ ನಿಯಮವನ್ನು ಕೊನೆಗೊಳಿಸಲಾಗಿದೆ.ಆದರೆ, ಪ್ರಾರ್ಥನೆಗೆ ಆಗಮಿಸುವವರು ಮಾಸ್ಕ್ ಧರಿಸಬೇಕಾಗಿದೆ. ತೆರೆದ ಸ್ಥಳಗಳಲ್ಲಿ ಮಾಸ್ಕ್ ಧರಿಸುವುದು ಕಡ್ಡಾಯವಲ್ಲ, ಆದರೆ ಒಳಾಂಗಣದಲ್ಲಿ ಮಾಸ್ಕ್ ಧರಿಸುವುದು ಕಡ್ಡಾಯ.
ಆಂತರಿಕ ಸಚಿವಾಲಯದ ಅಧಿಕೃತ ಮೂಲದಿಂದ ಘೋಷಿಸಲಾದ ಹೊಸ ನಿರ್ಧಾರಗಳು ಮಾರ್ಚ್ 5 2022 ರಿಂದ ಜಾರಿಗೆ ಬರಲಿವೆ ಎಂದು ಸೌದಿ ಗಜೆಟ್ ವರದಿ ಮಾಡಿದೆ. ಇದು ಎಲ್ಲಾ ಒಳಾಂಗಣ ಮತ್ತು ತೆರೆದ ಸ್ಥಳಗಳು, ಚಟುವಟಿಕೆಗಳು ಮತ್ತು ಈವೆಂಟ್ಗಳಲ್ಲಿ ಸಾಮಾಜಿಕ ಅಂತರ ಕ್ರಮಗಳನ್ನು ರದ್ದುಗೊಳಿಸಿದೆ.
ಅಲ್ಲದೆ,ದೇಶಕ್ಕೆ ಆಗಮಿಸಿದ ನಂತರ ಪ್ರಯಾಣಿಕರಿಗೆ ಕ್ವಾರಂಟೈನ್ ಕಡ್ಡಾಯವಿಲ್ಲ, ಸೌದಿಗೆ ಬಂದಿಳಿದ ನಂತರ ಪ್ರಯಾಣಿಕರು ಪಿಸಿಆರ್ ಪರೀಕ್ಷೆಯನ್ನು ನಡೆಸುವ ಅಗತ್ಯವಿಲ್ಲ. ಸಂದರ್ಶಕ ವಿಸಾದಲ್ಲಿ ಆಗಮಿಸುವವರು ತಮ್ಮ ಆರೋಗ್ಯ ವಿಮೆಯಲ್ಲಿ ಕೋವಿಡ್ ಸಂಬಂಧಿತ ಚಿಕಿತ್ಸೆಗಳು ಒಳಗೊಂಡಿರುವುದನ್ನು ಖಾತರಿಪಡಿಸುವುದು ಅಗತ್ಯ.
ಈ ಕೆಳಗಿನ ದೇಶಗಳಿಂದ (ದಕ್ಷಿಣ ಆಫ್ರಿಕಾ, ನಮೀಬಿಯಾ, ಬೋಟ್ಸ್ವಾನಾ, ಜಿಂಬಾಬ್ವೆ, ಲೆಸೊಥೊ, ಎಸ್ವಟಿನಿ, ಮೊಜಾಂಬಿಕ್, ಮಲಾವಿ, ಮಾರಿಷಸ್, ಜಾಂಬಿಯಾ, ಮಡಗಾಸ್ಕರ್, ಅಂಗೋಲಾ, ಸೀಶೆಲ್ಸ್, ಯುನೈಟೆಡ್ ರಿಪಬ್ಲಿಕ್ ಆಫ್ ಕೊಮೊರೊಸ್, ಯುನೈಟೆಡ್ ರಿಪಬ್ಲಿಕ್ ಆಫ್ ಕೊಮೊರೊಸ್, ನಮೀಬಿಯಾ, ಬೋಟ್ಸ್ವಾನಾ, ಜಿಂಬಾಬ್ವೆ, ನಮೀಬಿಯಾ, ಬೋಟ್ಸ್ವಾನ, ನೈಜೀರಿಯಾ, ಇಥಿಯೋಪಿಯಾ, ಅಫ್ಘಾನಿಸ್ತಾನ ದಿಂದ ಸೌದಿಗೆ ನೇರ ವಿಮಾನಗಳ ನಿರ್ಬಂಧಗಳನ್ನು ತೆಗೆದುಹಾಕಿದೆ.
ಸೌಲಭ್ಯಗಳು, ಚಟುವಟಿಕೆಗಳು,ಇವೆಂಟ್, ವಿಮಾನಗಳು ಮತ್ತು ಸಾರ್ವಜನಿಕ ಸಾರಿಗೆಯನ್ನು ಪ್ರವೇಶಿಸಲು “ತವಕ್ಕಲ್ನಾ” ಅಪ್ಲಿಕೇಶನ್ನಲ್ಲಿ ಆರೋಗ್ಯ ಸ್ಥಿತಿಯನ್ನು ಪರಿಶೀಲಿಸುವ ಕಾರ್ಯವಿಧಾನಗಳಿಗೆ ಅನ್ವಯಿಸುವ ಬೂಸ್ಟರ್ ಡೋಸ್ ಒಳಗೊಂಡಿರುವ ರಾಷ್ಟ್ರೀಯ ಯೋಜನೆಯ ಅನುಷ್ಠಾನವನ್ನು ಮುಂದುವರಿಸುವ ಪ್ರಾಮುಖ್ಯತೆಯನ್ನು ಮೂಲವು ಒತ್ತಿಹೇಳಿದೆ.
ಸಾಂಕ್ರಾಮಿಕ ರೋಗಶಾಸ್ತ್ರದ ಪರಿಸ್ಥಿತಿಯಲ್ಲಿನ ಬೆಳವಣಿಗೆಗಳ ಪ್ರಕಾರ, ಮೇಲೆ ತೆಗೆದುಕೊಂಡ ಕ್ರಮಗಳು ಸೌದಿ ಅರೇಬಿಯಾದಲ್ಲಿ ಸಮರ್ಥ ಆರೋಗ್ಯ ಅಧಿಕಾರಿಗಳ ನಿರಂತರ ಮೌಲ್ಯಮಾಪನಕ್ಕೆ ಒಳಪಟ್ಟಿರುತ್ತವೆ ಎಂದು ಮೂಲವು ವಿವರಿಸಿದೆ.
