ರಿಯಾದ್: ಸೌದಿ ಸರ್ಕಾರವು ಘೋಷಿಸಿದ ಇಖಾಮಾ, ಮರು ಪ್ರವೇಶ ಮತ್ತು ಸಂದರ್ಶಕರ ವೀಸಾ ಮಾನ್ಯತೆಯ ಉಚಿತ ವಿಸ್ತರಣೆಯನ್ನು ಭಾರತೀಯ ವಲಸಿಗರು ಪಡೆಯಲು ಸಾಧ್ಯವಾಗುವುದಿಲ್ಲ ಎಂದು ಸೌದಿ ಡೈರೆಕ್ಟರೇಟ್ ಆಫ್ ಪಾಸ್‌ಪೋರ್ಟ್ (ಜವಾಝಾತ್) ಪ್ರಕಟಿಸಿದೆ.
ಮಾರ್ಚ್ 31 ರವರೆಗೆ ಉಚಿತ ವಿಸ್ತರಣೆಯ ಪ್ರಯೋಜನವನ್ನು ಭಾರತೀಯರು ಪಡೆಯುತ್ತಾರೆ ಎಂದು ಮೊದಲು ಘೋಷಿಸಲಾಗಿತ್ತು. ಆದರೆ, ಭಾರತ ಸೇರಿದಂತೆ ಆರು ದೇಶಗಳು ಈ ಪ್ರಯೋಜನಕ್ಕೆ ಅರ್ಹರಾಗಿರುವುದಿಲ್ಲ ಎಂದು ಅಧಿಕಾರಿಗಳು ಈಗ ತಿಳಿಸಿದ್ದಾರೆ.
ಭಾರತ, ಈಜಿಪ್ಟ್, ಇಂಡೋನೇಷ್ಯಾ, ಪಾಕಿಸ್ತಾನ, ಬ್ರೆಜಿಲ್ ಮತ್ತು ವಿಯೆಟ್ನಾಂನ ಜನರಿಗೆ ಡಿಸೆಂಬರ್ 1 ರಿಂದ ಸೌದಿ ಅರೇಬಿಯಾಕ್ಕೆ ನೇರ ಪ್ರವೇಶ ಅನುಮತಿಸಿದ ಕಾರಣದಿಂದ ಈ ಪ್ರಯೋಜನದಿಂದ ಕೈಬಿಡಲಾಗಿದೆ.
