ಸೌದಿ: ‘ಈಜಾರ್’ ನಲ್ಲಿ ನೋಂದಾಯಿಸದವರ ಇಖಾಮ ನವೀಕರಿಸಲಾಗುವುದಿಲ್ಲ

ರಿಯಾದ್: ದೇಶದಲ್ಲಿರುವ ವಿದೇಶಿ ಕಾರ್ಮಿಕರು ತಮ್ಮ ವಾಸಸ್ಥಳವನ್ನು ನೋಂದಾಯಿಸದಿದ್ದಲ್ಲಿ ಇಕಾಮಾವನ್ನು ನವೀಕರಿಸಲಾಗುವುದಿಲ್ಲ ಎಂದು ಸೌದಿ ವಿದೇಶಾಂಗ ಸಚಿವಾಲಯ ಪುನರುಚ್ಚರಿಸಿದೆ. ಕಾರ್ಮಿಕರ ವಸತಿ ಕೇಂದ್ರವನ್ನು ಈಜಾರ್ ಪೋರ್ಟಲ್ ಮೂಲಕ ನೋಂದಾಯಿಸುವಂತೆ ಸಚಿವಾಲಯ ಸಂಸ್ಥೆಗಳಿಗೆ ನಿರ್ದೇಶನ ನೀಡಿದೆ.

ಸಚಿವಾಲಯವು ತನ್ನ ಹಿಡಿತವನ್ನು ಬಿಗಿಗೊಳಿಸುತ್ತಿದ್ದಂತೆ, ಕಂಪೆನಿಗಳು ತಮ್ಮ ಉದ್ಯೋಗಿಗಳಿಗೆ ಇಜಾರ್ ದಾಖಲೆಗಳನ್ನು ತಯಾರಿಸಲು ಸೂಚನೆ ನೀಡಿದೆ. ಸೌದಿ ಮಾನವ ಸಂಪನ್ಮೂಲ ಮತ್ತು ಸಾಮಾಜಿಕ ಅಭಿವೃದ್ಧಿ ಸಚಿವಾಲಯವು ಎಚ್ಚರಿಕೆಯನ್ನು ಪುನರಾವರ್ತಿಸಿದೆ.

ದೇಶದಲ್ಲಿ ಉಳಿದುಕೊಂಡಿರುವ ವಿದೇಶಿ ಕಾರ್ಮಿಕರ ವಸತಿ ಕೇಂದ್ರಗಳನ್ನು ಇಜಾರ್ ಪೋರ್ಟಲ್ ಮೂಲಕ ಸಂಪರ್ಕಿಸುವ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲು ನಿರ್ದೇಶಿಸಲಾಗಿದೆ. ಖಾಸಗಿ ಕಟ್ಟಡಗಳ ನಿವಾಸಿಗಳು ಕಟ್ಟಡ ಮಾಲೀಕರೊಂದಿಗೆ ಈಜಾರ್ ಪೋರ್ಟಲ್ ಮೂಲಕ ಒಪ್ಪಂದವನ್ನು ನೋಂದಾಯಿಸಿಕೊಳ್ಳಬೇಕು. ಇದನ್ನು ಕಾರ್ಮಿಕರ ಇಕಾಮಾಕ್ಕೂ ಲಿಂಕ್ ಮಾಡಲಾಗುತ್ತದೆ.

ಕಾರ್ಯವಿಧಾನವನ್ನು ಪೂರ್ಣಗೊಳಿಸದ ವಿದೇಶಿಯರಿಗೆ ಇಕಾಮಾವನ್ನು ನೀಡಲು ಅಥವಾ ನವೀಕರಿಸಲು ಅನುಮತಿಸುವುದಿಲ್ಲ ಎಂದು ಸಚಿವಾಲಯ ಹೇಳಿದೆ. ಜನವರಿ 1 ರಿಂದ ಕಾನೂನು ಜಾರಿಗೆ ಬರಲಿದೆ ಎಂದು ಸಚಿವಾಲಯ ಈ ಹಿಂದೆ ತಿಳಿಸಿತ್ತು. ಇದಕ್ಕೂ ಮುನ್ನ ಸಚಿವಾಲಯ ಎಚ್ಚರಿಕೆ ಪುನರಾವರ್ತಿಸಿದೆ. ನಿವಾಸ ಕೇಂದ್ರವನ್ನು ಈಜಾರ್ ನೊಂದಿಗೆ ಸಂಪರ್ಕಿಸಿರುವ ದಾಖಲೆಗಳನ್ನು ಸಲ್ಲಿಸುವಂತೆ ಸುತ್ತೋಲೆ ನೀಡಲಾಗಿದೆ. ಈಜಾರ್ ನೋಂದಣಿ ಯೋಜನೆಯನ್ನು ದೇಶದಲ್ಲಿ ಮೊದಲ ಬಾರಿಗೆ 2018 ರಲ್ಲಿ ಪ್ರಾರಂಭಿಸಲಾಯಿತು.