ಖತರ್: ಭಾರತಕ್ಕೆ ತೆರಳುವವರು ಎಂಬಸ್ಸಿಯ ಹೊಸ ಪೋರ್ಟಲ್ ನಲ್ಲಿ ನೋಂದಾಯಿಸಿ

ದೋಹಾ: ಖತರ್‌ನಿಂದ ಭಾರತಕ್ಕೆ ತೆರಳುವವರ ನೋಂದಣಿಗಾಗಿ ಭಾರತೀಯ ರಾಯಭಾರ ಕಚೇರಿಯು ಹೊಸ ಪೋರ್ಟಲ್ ಅನ್ನು ಪ್ರಾರಂಭಿಸಿದೆ.

ಹೊಸ ನೋಂದಣಿ ಲಿಂಕ್: https://www.indianembassyqatar.gov.in/indian_nationals_repatriation_reg_form

ಈ ಹಿಂದಿನ ನೋಂದಣಿಯಲ್ಲಿನ ತಾಂತ್ರಿಕ ತೊಂದರೆಯಿಂದ ಕೆಲವರಿಗೆ ಪ್ರಯಾಣ ವಿಳಂಬವಾಗಿದ್ದು, ಆ ಕಾರಣಕ್ಕಾಗಿ ಹೊಸ ಪೋರ್ಟಲ್ ಅನ್ನು ರಚಿಸಲಾಗಿದೆ ಎಂದು ಹೇಳಲಾಗಿದೆ.

ಗೂಗಲ್ ಡಾಟಾ ಶೀಟ್ ಮೂಲಕ ಈ ಹಿಂದೆ ಪ್ರಯಾಣಿಕರಿಂದ ವಿವರಗಳನ್ನು ಸಂಗ್ರಹಿಸಲಾಗುತ್ತಿದ್ದವು. ಇದರಲ್ಲಿ ಖತರ್ ಐಡಿ ಮತ್ತು ವೀಸಾ ಸಂಖ್ಯೆಯನ್ನು ನಮೂದಿಸದ ಕಾರಣ ಪ್ರಯಾಣಕ್ಕೆ ಅಡ್ಡಿಯಾಗಿದೆ ಎನ್ನಲಾಗಿದೆ. ಹೊಸ ಪೋರ್ಟಲ್‌ನಲ್ಲಿ ಅವುಗಳನ್ನು ನಮೂದಿಸುವ ಆಯ್ಕೆಯನ್ನು ನೀಡಲಾಗಿದೆ.

ಈಗಾಗಲೇ ನೋಂದಾಯಿಸಿಕೊಂಡು ಅವಕಾಶಕ್ಕಾಗಿ ಕಾಯುತ್ತಿರುವವರು ಕೂಡ ಹೊಸ ಪೋರ್ಟಲ್‌ನಲ್ಲಿ ನೋಂದಾಯಿಸಿಕೊಳ್ಳಬೇಕು. ಹೊಸ ಪೋರ್ಟಲ್ ನಲ್ಲಿ ನೋಂದಣಿ ಪೂರ್ಣಗೊಂಡ ನಂತರ, ಇಮೇಲ್ ಮೂಲಕ ದೃಢೀಕರಣವನ್ನು ನೀಡಲಾಗುತ್ತದೆ.