ಕುವೈತ್ ಸಿಟಿ: ಕುವೈತ್ನಲ್ಲಿ ಇನ್ನು ಮುಂದೆ ವೀಸಾ ಮತ್ತು ಇಖಾಮಾ ನವೀಕರಣಕ್ಕಾಗಿ ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸಬಹುದು. ಇಖಾಮಾ ಸೇವೆಗಳನ್ನು ಸಂಪೂರ್ಣವಾಗಿ ಆನ್ಲೈನ್ ಮಾಡುವ ಭಾಗವಾಗಿ ಈ ನಡೆ ಎನ್ನಲಾಗಿದೆ.
ಗೃಹ ಸಚಿವಾಲಯದ ವೆಬ್ಸೈಟ್ನಲ್ಲಿ ಸ್ಥಾಪಿಸಲಾದ ಹೊಸ ಪುಟದ ಮೂಲಕ ಈ ಸೇವೆಯನ್ನು ಜಾರಿಗೆ ತರಲಾಗಿದೆ. ಕಂಪನಿಯ ಪ್ರತಿನಿಧಿಗಳು ಮತ್ತು ವ್ಯಕ್ತಿಗಳಿಗೆ ಸುಲಭವಾಗಿ ನಿರ್ವಹಿಸಲು ಈ ಸೇವೆಯನ್ನು ಇಂಗ್ಲಿಷ್ ಮತ್ತು ಅರಬಿಕ್ ಭಾಷೆಗಳಲ್ಲಿ ಲಭ್ಯಗೊಳಿಸಲಾದೆ. ಹಲವು ವಿಧದ ವೀಸಾ ಮತ್ತು ಇಖಾಮಾ ನವೀಕರಣಕ್ಕೆ ಈ ವ್ಯವಸ್ಥೆಯ ಮೂಲಕ ಅರ್ಜಿ ಸಲ್ಲಿಸಬಹುದು. ಹೊಸ ವ್ಯವಸ್ಥೆಯು ವ್ಯಕ್ತಿಗಳಿಗೆ ತಮ್ಮ ವೀಸಾ ಅರ್ಜಿಗಳನ್ನು ನೇರವಾಗಿ ಸಲ್ಲಿಸಲು ಸಹಾಯ ಮಾಡುತ್ತದೆ.
ಅರ್ಜಿಗಳು ಮತ್ತು ದಾಖಲೆಗಳನ್ನು ಆನ್ಲೈನ್ನಲ್ಲಿ ಸಲ್ಲಿಸಬೇಕು. ಅವುಗಳನ್ನು ಪರಿಶೀಲಿಸಿದ ನಂತರ ಲಭಿಸುವ ರಶೀದಿಯನ್ನು ಸಂಬಂಧಪಟ್ಟ ವಸತಿ ಕಚೇರಿಗೆ ನಿಗದಿತ ಅವಧಿಯೊಳಗೆ ಸಲ್ಲಿಸುವ ಮೂಲಕ ಸೇವೆಗಳನ್ನು ಪೂರ್ಣಗೊಳಿಸಬಹುದು. ಹೊಸ ಸೇವೆಯು ರೆಸಿಡೆನ್ಸಿ ಸೇವೆಗಳನ್ನು ಸಂಪೂರ್ಣವಾಗಿ ಆನ್ಲೈನ್ ಮಾಡುವ ಮೊದಲ ಹಂತವಾಗಿದ್ದು, www.moi.gov.kw ನ ಮುಖಪುಟದಲ್ಲಿರುವ ಇ-ಫಾರ್ಮ್ಸ್ ಐಕಾನ್ ಕ್ಲಿಕ್ ಮಾಡಿದಲ್ಲಿ ಹೊಸ ಸೇವೆ ಲಭ್ಯವಾಗಲಿದೆ.
