ಯುಎಇಗೆ ಪ್ರವೇಶಿಸಲು 48 ಗಂಟೆಗಳ ಟ್ರಾನ್ಸಿಟ್ ವೀಸಾ ಉಚಿತ

ಅಬುಧಾಬಿ: ಫೆಡರಲ್ ಅಥಾರಿಟಿ ಫಾರ್ ಐಡೆಂಟಿಟಿ ಆ್ಯಂಡ್ ಸಿಟಿಜನ್ಶಿಪ್ ವತಿಯಿಂದ ಪ್ರಯಾಣಿಕರಿಗೆ ಯುಎಇಗೆ ಪ್ರವೇಶಿಸಲು ಎರಡು ರೀತಿಯ ಟ್ರಾನ್ಸಿಟ್ ವೀಸಾಗಳನ್ನು ಅನುಮತಿಸಲಾಗುತ್ತಿದೆ. ಯುಎಇಗೆ ಭೇಟಿ ನೀಡುವವರಿಗೆ ನೀಡಲಾಗುವ ಉಚಿತ ಟ್ರಾನ್ಸಿಟ್ ವೀಸಾದಲ್ಲಿ 48 ಗಂಟೆಗಳ ಕಾಲ ದೇಶದಲ್ಲಿ ಉಳಿಯಲು ಸಾಧ್ಯವಾಗಲಿದೆ.

ಅದೇ ಸಮಯದಲ್ಲಿ, 50 ದಿರ್ಹಂ ಶುಲ್ಕ ಪಾವತಿಸಿ ಪಡೆಯಬಹುದಾದ ಟ್ರಾನ್ಸಿಟ್ ವೀಸಾದಲ್ಲಿ ದೇಶದಲ್ಲಿ 96 ಗಂಟೆಗಳ ಕಾಲ ಉಳಿಯಬಹುದು. ಎರಡೂ ವೀಸಾಗಳು ಯುಎಇ ಮೂಲದ ವಿಮಾನಯಾನ ಸಂಸ್ಥೆಗಳ ಪ್ರಾಯೋಜಕತ್ವದಲ್ಲಿ ಮಾತ್ರ ಲಭ್ಯವಿದೆ. ದೇಶಕ್ಕೆ ಪ್ರವೇಶಿಸುವ ಮುಂಚಿತವಾಗಿ ವೀಸಾ ಅನುಮೋದನೇ ಪಡೆದಿರಬೇಕು. ಎರಡೂ ರೀತಿಯ ವೀಸಾಗಳ ಅವಧಿಯನ್ನು ವಿಸ್ತರಿಸಲಾಗುವುದಿಲ್ಲ.