ಯುಎಇ ಸಂದರ್ಶಕರಿಗೆ ಆರೋಗ್ಯ ವಿಮೆ ಅಗತ್ಯ- ಭಾರತೀಯ ದೂತವಾಸ

ಅಬುಧಾಬಿ: ಯುಎಇಗೆ ಭೇಟಿ ನೀಡುವವರು ಆರೋಗ್ಯ ವಿಮೆ ಮಾಡುವಂತೆ ಭಾರತೀಯ ದೂತವಾಸ ನಿರ್ದೇಶನ ನೀಡಿದೆ.

ಯುಎಇಯ ಹವಾಮಾನ ಬದಲಾಗುತ್ತಿದ್ದು, ಸಂದರ್ಶಕರು ಇಲ್ಲಿನ ಹವಾಮಾನ ವೈಪರೀತ್ಯದಿಂದಾಗಿ ರೋಗಿಗಳಾದಲ್ಲಿ, ಇಲ್ಲವೇ ಯಾವುದೇ ಅಪಘಾತ ಸಂಭವಿಸಿದ್ದಲ್ಲಿ ಇಲ್ಲಿನ ವೈದ್ಯಕೀಯ ವೆಚ್ಚ ದುಬಾರಿಯಾಗಿವೆ. ಈ ನಿಟ್ಟಿನಲ್ಲಿ ದುಬೈನ ಭಾರತೀಯ ದೂತವಾಸ ಈ ಪ್ರಸ್ತಾಪವನ್ನು ಹೊರಡಿಸಿದೆ.

ಯುಎಇಗೆ ಭೇಟಿ ನೀಡುವ ಭಾರತೀಯರು ವೈದ್ಯಕೀಯ ವಿಮೆ ಪಡೆಯಬೇಕು. ಯುಎಇಗೆ ಬರುವ ಭಾರತೀಯರ ವೈದ್ಯಕೀಯ ವೆಚ್ಚವು ಭರಿಸಲಾಗದ ಮಟ್ಟಕ್ಕೆ ತಲುಪಿದ ಹಿನ್ನೆಲೆಯಲ್ಲಿ ಈ ಪ್ರಸ್ತಾಪವನ್ನು ನೀಡಲಾಗಿದೆ.