ಮಂಗಳೂರು: ಶೈಖುನಾ ತಾಜುಲ್ ಉಲಮಾ ರವರ ಪುತ್ರ, ಸಮಸ್ತ ಕೇರಳ ಜಂ-ಇಯ್ಯತುಲ್ ಉಲಮಾ ಕೇಂದ್ರ ಸದಸ್ಯರೂ, ಕರ್ನಾಟಕ ವಿವಿಧ ಮೊಹಲ್ಲಾಗಳ ಗೌರವಾನ್ವಿತ ಖಾಝಿಗಳೂ, ನಮ್ಮೆಲ್ಲರ ಆತ್ಮೀಯ ನಾಯಕರೂ, ನೇರ ದಿಟ್ಟ ನುಡಿಯ ವ್ಯಕ್ತಿತ್ವ ಆಧ್ಯಾತ್ಮಿಕ ನಾಯಕರಾದ ಶೈಖುನಾ ಖುರ್ರತುಸ್ಸಾದಾತ್ ಸಯ್ಯಿದ್ ಫಝಲ್ ಕೋಯಮ್ಮ ತಂಙಳ್ ರವರ ಅಗಲಿಕೆಯು ಸುನ್ನಿ ಜಗತ್ತಿಗೆ ತುಂಬಲಾರದ ನಷ್ಟವಾಗಿದೆ ಎಂದು SMA ರಾಜ್ಯ ಸಮಿತಿ ಸಂತಾಪ ಸೂಚಿಸಿದೆ.
ಸಯ್ಯಿದ್ ಫಝಲ್ ಕೋಯಮ್ಮ ತಂಙಳ್ ಅವರ ನಾಯಕತ್ವ ಇನ್ನಷ್ಟು ಕಾಲ ಮುಸ್ಲಿಂ ಸಮುದಾಯಕ್ಕೆ ಅಗತ್ಯವಾಗಿತ್ತು.ಆದರೆ ಅಲ್ಲಾಹನ ವಿಧಿ ಎಂಬ ನೆಲೆಯಲ್ಲಿ ಸುನ್ನಿ ಸಮೂಹವನ್ನು ಅನಾಥರನ್ನಾಗಿ ಮಾಡಿ ಇಹ ಲೋಕ ತ್ಯಜಿಸಿದರು. ಅವರು ಸುನ್ನಿ ಜಗತ್ತಿಗೆ ಮುಸ್ಲಿಂ ಸಮಾಜಕ್ಕೆ ಒಬ್ಬ ವ್ಯಕ್ತಿಯಾಗಿರದೆ ಒಂದು ದೊಡ್ಡ ಶಕ್ತಿಯಾಗಿದ್ದರು. ಅವರ ವಿಯೋಗ ಮುಸ್ಲಿಂ ಸಮಾಜಕ್ಕೆ ತುಂಬಲಾರದ ನಷ್ಟವಾಗಿದೆ. ಶೈಖುನಾ ಕೂರತ್ ತಂಙಳ್ ರವರಿಗಾಗಿ ವಿಶೇಷ ಪ್ರಾರ್ಥನೆ ನಡೆಸಲು ವಿನಂತಿಸುತ್ತಾ ಅವರ ನಿಧನಕ್ಕೆ ಸುನ್ನಿ ಮ್ಯಾನೇಜ್ಮೆಂಟ್ ಅಸೋಸಿಯೇಷನ್ ರಾಜ್ಯ ಸಮಿತಿ ಅಧ್ಯಕ್ಷರಾದ ಸಯ್ಯಿದ್ ಇಸ್ಮಾಯಿಲ್ ತಂಙಳ್ ಉಜಿರೆ, ಕಾರ್ಯದರ್ಶಿ ಅಬ್ದುಲ್ ರಹಮಾನ್ ಮದನಿ ಜಪ್ಪು
ಕೋಶಾಧಿಕಾರಿ ಹಮೀದ್ ಕೊಡಂಗಾಯಿ ತೀವ್ರ ಸಂತಾಪ ವ್ಯಕ್ತಪಡಿಸಿದ್ದಾರೆ.
