ಉತ್ತರ ಸೌದಿಯಲ್ಲಿ ಭಾರೀ ಹಿಮಪಾತ- ಮುಂದಿನ ದಿನಗಳಲ್ಲಿ ತೀವ್ರ ಚಳಿ

ರಿಯಾದ್: ಸೌದಿ ಅರೇಬಿಯಾದ ಉತ್ತರ ಪ್ರಾಂತ್ಯದಲ್ಲಿ ಭಾರೀ ಹಿಮಪಾತವಾಗಿದೆ. ತಬೂಕ್‌ನ ಅಲ್ ಲೌಝ್ ಪರ್ವತಗಳಲ್ಲಿ(Jabal al-Lawz) ಮತ್ತೆ ಹಿಮ ಬಿದ್ದಿದೆ. ಮಂಗಳವಾರ ರಾತ್ರಿಯಿಂದ ಆರಂಭವಾದ ಹಿಮಪಾತ ಬುಧವಾರ ಬೆಳಗಿನ ಜಾವದವರೆಗೂ ಮುಂದುವರಿದಿತ್ತು. ಪರ್ವತಗಳು ನೀರಿನಿಂದ ಆವೃತವಾಗಿವೆ. ಈ ಪ್ರದೇಶದಲ್ಲಿ ಚಳಿಯೂ ಜೋರಾಗಿದೆ.

ಒಂದು ವಾರದ ಹಿಂದೆ ಅಲ್ ಲೌಝ್ ಪರ್ವತಗಳಲ್ಲಿ((Jabal al-Lawz)) ಇದೇ ರೀತಿಯ ಭಾರೀ ಹಿಮಪಾತವಾಗಿತ್ತು. ತಬೂಕ್ ಮತ್ತು ಸುತ್ತಮುತ್ತಲಿನ ಅನೇಕ ಜನರು ಹಿಮದಿಂದ ಆವೃತವಾದ ಪರ್ವತಗಳನ್ನು ನೋಡಲು ಆಗಮಿಸಿದ್ದು, ಪ್ರವಾಸಿಗರ ಹರಿವಿನಿಂದಾಗಿ ಪ್ರವಾಸಿ ತಾಣವಾಗಿ ಮಾರ್ಪಟ್ಟಿದೆ.

ಈ ಪ್ರದೇಶದಲ್ಲಿ ನಾಳೆಯಿಂದ ತೀವ್ರ ಚಳಿಯ ಅನುಭವವಾಗಲಿದೆ ಎಂದು ರಾಷ್ಟ್ರೀಯ ಹವಾಮಾನ ಕೇಂದ್ರ(Saudi National Meteorological Center) ತಿಳಿಸಿದೆ. ತಬೂಕ್, ಅಲ್-ಜವ್ಫ್, ಹಾಯಿಲ್ ಮತ್ತು ಉತ್ತರ ಗಡಿ ಪ್ರಾಂತ್ಯಗಳಲ್ಲಿ ಕನಿಷ್ಠ ತಾಪಮಾನವು ಶೂನ್ಯ ಡಿಗ್ರಿಯಿಂದ ಐದು ಡಿಗ್ರಿಗಳಿಗೆ ಇಳಿಯುತ್ತದೆ. ರಿಯಾದ್ ಮತ್ತು ಅಲ್ ಖಸೀಮ್ ಪ್ರಾಂತ್ಯಗಳು ಮತ್ತು ಪೂರ್ವ ಪ್ರಾಂತ್ಯದ ಉತ್ತರ ಭಾಗದವರೆಗೆ ವಿಪರೀತ ಚಳಿ ಇರಲಿದೆ. ಈ ಸ್ಥಳಗಳಲ್ಲಿ ತಾಪಮಾನವು ಐದು ಡಿಗ್ರಿಯಿಂದ ಒಂಬತ್ತು ಡಿಗ್ರಿಗಳ ವರೆಗೆ ಇಳಿಯಲಿದೆ ಎಂದು ರಾಷ್ಟ್ರೀಯ ಹವಾಮಾನ ಕೇಂದ್ರ ತಿಳಿಸಿದೆ.