ರಿಯಾದ್: ಶುಕ್ರವಾರದ ಜುಮುಅ ಖುತ್ಬಾ ಬೋಧಿಸುವ ಹಲವು ಇಮಾಮ್ಗಳನ್ನು ಸೌದಿ ಇಸ್ಲಾಮಿಕ್ ವ್ಯವಹಾರಗಳ ಸಚಿವಾಲಯ (Ministry of Islamic Affairs Saudi Arabia) ವಜಾಗೊಳಿಸಿದೆ.
ಸಚಿವಾಲಯಕ್ಕೆ ತಿಳಿಸದೆ ಶುಕ್ರವಾರ ‘ಖುತ್ಬಾ’ ನಿರ್ವಹಿಸಲು ಬದಲಿ ಇಮಾಮ್ಗಳನ್ನು ನಿಯೋಜಿಸಿದ್ದಕ್ಕಾಗಿ ಹಲವಾರು ಇಮಾಮ್ಗಳನ್ನು ವಜಾ ಮಾಡಲಾಗಿದೆ ಎಂದು ಸ್ಥಳೀಯ ಪತ್ರಿಕೆ ವರದಿ ಮಾಡಿದೆ.
ಶುಕ್ರವಾರದ “ಜುಮುಅ ಖುತ್ಬಾ” ವಿಷಯವನ್ನು ಸಚಿವಾಲಯವು ಮೊದಲೇ ನಿರ್ಧರಿಸಿ ಅಧಿಸೂಚನೆಯನ್ನು ಕಳುಹಿಸುವುದು ವಾಡಿಕೆ. ಇದನ್ನು ನಿರ್ಲಕ್ಷಿಸಿ, ತನ್ನದೇ ಆದ ವಿಷಯವನ್ನು ಆಯ್ಕೆ ಮಾಡಿ ಖುತ್ಬಾ ನಿರ್ವಹಿಸಲು ಸಚಿವಾಲಯವು ಅವಕಾಶ ನೀಡುವುದಿಲ್ಲ.
ಆದರೆ, ಅನೇಕ ಬದಲಿ ಇಮಾಮರು ತನ್ನದೇ ಆದ ವಿಷಯವನ್ನು ಆರಿಸಿ, ಖುತ್ಬಾ ನಿರ್ವಹಿಸಿರುವುದು ಪತ್ತೆಯಾಗಿದೆ. ಈ ನಿಟ್ಟಿನಲ್ಲಿ ಅನುಮತಿ ಪಡೆಯದೆ ಬದಲಿಗಳನ್ನು ಕಳುಹಿಸಿರುವ ಇಮಾಮರ ವಿರುದ್ಧ ಕ್ರಮ ಕೈಗೊಳ್ಳಲಾಗಿದೆ.
