ಉಮ್ರಾ ಯಾತ್ರಾರ್ಥಿಗಳಿಗೆ ಶುಭ ಸುದ್ದಿ -24 ಗಂಟೆಯೊಳಗೆ ವೀಸಾ ಲಭ್ಯ

ಜಿದ್ದಾ: ವಿದೇಶೀ ಯಾತ್ರಾರ್ಥಿಗಳು ಉಮ್ರಾ ವೀಸಾವನ್ನು ಮಖಾಮ್ ಪ್ಲಾಟ್‌ಫಾರ್ಮ್( Maqam Online Portal) ಮೂಲಕ ಪಡೆಯಬಹುದು ಎಂದು ಹಜ್ ಮತ್ತು ಉಮ್ರಾ ಸಚಿವಾಲಯ (Ministry of Hajj And Umrah) ಪ್ರಕಟಿಸಿದೆ.

ಹೊಸ ಯೋಜನೆಯು ಉಮ್ರಾ ವೀಸಾ ಮತ್ತು ಸಂಬಂಧಿತ ಸೇವೆಗಳನ್ನು ಯಾತ್ರಾರ್ಥಿಗಳಿಗೆ ನಿಮಿಷಗಳಲ್ಲಿ ಒದಗಿಸುತ್ತದೆ. ಇದು, ಸೇವೆಯ ಗುಣಮಟ್ಟವನ್ನು ಸುಧಾರಿಸುವ ಭಾಗವಾಗಿದೆ ಎಂದು ಸಚಿವಾಲಯ ಹೇಳಿದೆ.

ವಿದೇಶಗಳಿಂದ ಉಮ್ರಾಗೆ ಬರುವವರು ತಮ್ಮ ತಾಯ್ನಾಡಿನಿಂದಲೇ ಉಮ್ರಾ ಯಾತ್ರೆಯನ್ನು ಬುಕ್ ಮಾಡಬಹುದು ಮತ್ತು ಮಖಾಮ್ ಎಲೆಕ್ಟ್ರಾನಿಕ್ ಪ್ಲಾಟ್‌ಫಾರ್ಮ್ ಮೂಲಕ ಉಮ್ರಾ ವೀಸಾವನ್ನೂ ಪಡೆಯಬಹುದು.

Maqan ಪೋರ್ಟಲ್ ಗೆ ಭೇಟಿನೀಡಿ, ಅಗತ್ಯವಿರುವ ಸೇವೆಗಳನ್ನು ಕಾಯ್ದಿರಿಸುವುದು ಮತ್ತು ವೀಸಾಕ್ಕೆ ಅರ್ಜಿ ಸಲ್ಲಿಸಿದಾಗ ಲಭಿಸುವ ಉಲ್ಲೇಖ ಸಂಖ್ಯೆಯನ್ನು(Reference No) ಬಳಸಿಕೊಂಡು ಆನ್‌ಲೈನ್ ನಲ್ಲೇ ಶುಲ್ಕವನ್ನೂ ಪಾವತಿಸಬಹುದಾಗಿದೆ.

ಈ ಪ್ರಕ್ರಿಯೆಗಳು ಪೂರ್ಣಗೊಂಡ, 24 ಗಂಟೆಗಳ ಒಳಗೆ ವೀಸಾ ಅದೇ ಫ್ಲಾಟ್ ಫಾರ್ಮ್ ಮೂಲಕ ಲಭಿಸಲಿದೆ. ಈ ರೀತಿ ನೀಡಲಾಗುವ ವೀಸಾಗಳು 90 ದಿನಗಳ ಮಾನ್ಯತೆಯನ್ನು ಹೊಂದಿರುತ್ತದೆ. ಆಯಾ ದೇಶಗಳಲ್ಲಿ ಅಧಿಕೃತ ಏಜೆನ್ಸಿಗಳ ಮೂಲಕವೂ ವೀಸಾಗಳನ್ನು ಪಡೆಯಲು ಅವಕಾಶವಿದೆ.

ಯಾತ್ರಾರ್ಥಿಗಳು, ವಸತಿ ಸೌಕರ್ಯಗಳನ್ನು ಕಾಯ್ದಿರಿಸಲು, ಮಕ್ಕಾ, ಜಿದ್ದಾ ಮತ್ತು ಮದೀನಾಗಳಿಗೆ ಪ್ರಯಾಣಿಸಲು ವಿಮಾನಗಳನ್ನು ಕಾಯ್ದಿರಿಸಲು ಮತ್ತು ಸೌದಿ ಅರೇಬಿಯಾದಲ್ಲಿ ದೇಶೀಯ ಪ್ರಯಾಣವನ್ನು ನಿಗದಿಪಡಿಸಲು ‘Maqam’ ಪೋರ್ಟಲ್ ಅನ್ನು ಬಳಸಬಹುದಾಗಿದೆ.

ಈ ವೀಸಾ ಮೂಲಕ, ಯಾತ್ರಿಕರಿಗೆ ದೇಶದ ಸಾಂಸ್ಕೃತಿಕ ವೈವಿಧ್ಯತೆಯನ್ನು ಅರ್ಥಮಾಡಿಕೊಳ್ಳಲು ಮತ್ತು ಪ್ರಮುಖ ಐತಿಹಾಸಿಕ ಪ್ರದೇಶಗಳಿಗೆ ಭೇಟಿ ನೀಡುವ ಅವಕಾಶ ಲಭಿಸಲಿದೆ ಎಂದು ಸಚಿವಾಲಯ ತಿಳಿಸಿದೆ.