janadhvani

Kannada Online News Paper

ಕುವೈಟ್: ಪೊಲೀಸ್ ಕ್ಲಿಯರೆನ್ಸ್ ಸರ್ಟಿಫಿಕೇಟ್ ನ ಆನ್‌ಲೈನ್ ವೆರಿಫಿಕೇಷನ್ ಕಡ್ಡಾಯಗೊಳಿಸಲು ಸಿದ್ಧತೆ

ಮೊದಲ ಹಂತದಲ್ಲಿ ಭಾರತೀಯರಿಗೆ ಆನ್‌ಲೈನ್ ವೆರಿಫಿಕೇಷನ್ ಕಡ್ಡಾಯಗೊಳಿಸಲಾಗುವುದು.
ಈ ವರದಿಯ ಧ್ವನಿಯನ್ನು ಆಲಿಸಿ

ಕುವೈಟ್ ಸಿಟಿ: ಕುವೈತ್‌ನ ಗೃಹ ಸಚಿವಾಲಯವು (Interior Ministry of Kuwait) ಹೊಸ ವೀಸಾದಲ್ಲಿ ದೇಶಕ್ಕೆ ಆಗಮಿಸುವವರಿಗೆ ಪೊಲೀಸ್ ಕ್ಲಿಯರೆನ್ಸ್ ಪ್ರಮಾಣಪತ್ರದ (Police Clearance Certificate) ಆನ್‌ಲೈನ್ ಪರಿಶೀಲನೆಯನ್ನು ಕಡ್ಡಾಯಗೊಳಿಸಲು ಸಿದ್ಧತೆ ನಡೆಸಿದೆ. ಮೊದಲ ಹಂತದಲ್ಲಿ ಭಾರತೀಯರಿಗೆ ಆನ್‌ಲೈನ್ ಪರಿಶೀಲನೆಯನ್ನು ಕಡ್ಡಾಯಗೊಳಿಸಲಾಗುವುದು ಎಂದಿರುವ ಗೃಹ ಸಚಿವಾಲಯದ ಮೂಲಗಳು, ಸೆಪ್ಟೆಂಬರ್ ವೇಳೆಗೆ ಎಲ್ಲಾ ದೇಶೀಯರಿಗೂ ಅನ್ವಯವಾಗಲಿದೆ ಎಂದು ಬಹಿರಂಗಪಡಿಸಿದೆ.

ಪ್ರಸ್ತುತ, ಹೊಸ ವೀಸಾದಲ್ಲಿ ಕುವೈಟ್‌ಗೆ ಬರುವವರು ವೀಸಾ ಸ್ಟಾಂಪಿಂಗ್ ಸಮಯದಲ್ಲಿ ಕುವೈತ್ ರಾಯಭಾರ ಕಚೇರಿ ಅಥವಾ ಕಾನ್ಸುಲೇಟ್‌ಗೆ ದೇಶದಿಂದ ಪೊಲೀಸ್ ಕ್ಲಿಯರೆನ್ಸ್ ಪ್ರಮಾಣಪತ್ರ ಅಥವಾ ಅಪರಾಧ ಸ್ಥಿತಿಯ ವರದಿಯನ್ನು ಸಲ್ಲಿಸಬೇಕು. ಕಾಗದದ ರೂಪದಲ್ಲಿ ಸಲ್ಲಿಸಲಾದ ಈ ಪ್ರಮಾಣಪತ್ರದ ದೃಢೀಕರಣವನ್ನು ಖಚಿತಪಡಿಸಿಕೊಳ್ಳಲು ಆನ್‌ಲೈನ್ ಪರಿಶೀಲನೆಯು ಕಡ್ಡಾಯವಾಗಿದೆ. ಕ್ಲಿಯರೆನ್ಸ್ ಪ್ರಮಾಣಪತ್ರದ ಡೇಟಾವನ್ನು ಕುವೈತ್ ವಿದೇಶಾಂಗ ಸಚಿವಾಲಯ ಮತ್ತು ಭಾರತೀಯ ಅಧಿಕಾರಿಗಳ ಸಮನ್ವಯದೊಂದಿಗೆ ಕುವೈತ್ ಗೃಹ ಸಚಿವಾಲಯಕ್ಕೆ ವಿದ್ಯುನ್ಮಾನವಾಗಿ ರವಾನಿಸಲಾಗುತ್ತದೆ.

error: Content is protected !! Not allowed copy content from janadhvani.com