ಗ್ರೀನ್ ಮತ್ತು ಫ್ರೀ ಲ್ಯಾಂಡ್- ಹೊಸ ವೀಸಾ ಆರಂಭಿಸಿದ ಯುಎಇ

ಅಬುಧಾಬಿ : ಯುಎಇ ಗ್ರೀನ್ ವೀಸಾ ಮತ್ತು ಫ್ರೀ ಲ್ಯಾಂಡ್ ವೀಸಾ ಯೋಜನೆಗಳನ್ನು ಆರಂಭಿಸಿದೆ. ಯುಎಇಯ 50 ನೇ ವಾರ್ಷಿಕೋತ್ಸವದ ಅಂಗವಾಗಿ ಹೊಸ ವೀಸಾ ಸೇರಿದಂತೆ 50 ಹೊಸ ಯೋಜನೆಗಳನ್ನು ಯುಎಇ, ವಿದೇಶಾಂಗ ವ್ಯವಹಾರಗಳ ರಾಜ್ಯ ಸಚಿವ ಡಾ. ಥಾನಿ ಅಲ್ ಸುವೈದಿ ಈ ಘೋಷಣೆಯನ್ನು ಮಾಡಿದ್ದಾರೆ.

ಹೂಡಿಕೆದಾರರು, ಉದ್ಯಮಿಗಳು ಮತ್ತು ಇತರ ವಿಶೇಷ ಉದ್ಯಮಿಗಳಿಗೆ ಗ್ರೀನ್ ವೀಸಾಗಳನ್ನು ನೀಡಲಾಗುತ್ತದೆ. ಗ್ರೀನ್ ವೀಸಾ ಹೊಂದಿರುವವರು ತಮ್ಮ ಪೋಷಕರು ಹಾಗೂ 25 ವರ್ಷದೊಳಗಿನ ಗಂಡು ಮಕ್ಕಳ ಪ್ರಾಯೋಜಕತ್ವವನ್ನು ವಹಿಸಬಹುದು ವ. ಪ್ರಸ್ತುತ, 18 ವರ್ಷ ವಯಸ್ಸಿನ ಗಂಡು ಮಕ್ಕಳನ್ನು ಪ್ರಾಯೋಜಿಸಬಹುದಾಗಿದೆ. ವೀಸಾ ಅವಧಿ ಮುಗಿದ ನಂತರ ವೀಸಾವನ್ನು ನವೀಕರಿಸಲು 90 ರಿಂದ 180 ದಿನಗಳನ್ನು ಅನುಮತಿಸಲಾಗುವುದು ಎಂಬ ಅನುಕೂಲವೂ ಇದೆ.

ಅದೇ ಸಮಯದಲ್ಲಿ, ಸ್ವತಂತ್ರ ವ್ಯಾಪಾರ ಮಾಲೀಕರಿಗೆ ಮತ್ತು ಸ್ವಯಂ ಉದ್ಯೋಗ ಮಾಡಲು ಬಯಸುವವರಿಗೆ ಸ್ವತಂತ್ರ ವೀಸಾಗಳನ್ನು(ಫ್ರೀ ಲ್ಯಾಂಡ್) ನೀಡಲಾಗುತ್ತದೆ.