ಯುಎಇ ನಿರ್ಬಂಧ ತೆರವು-ಆ.5 ರಿಂದ ಪ್ರಯಾಣಿಸಲು ಅನುಮತಿ

ದುಬೈ: ಯುಎಇ ಪ್ರಯಾಣ ನಿಷೇಧವನ್ನು ತೆರವುಗೊಳಿಸಲಿದೆ. ಯುಎಇ ಅನುಮೋದಿಸಿದ ಎರಡು ಡೋಸ್ ಲಸಿಕೆಗಳನ್ನು ತೆಗೆದುಕೊಂಡ ನಿವಾಸ ವಿಸಾ ಹೊಂದಿರುವವರು ಮರಳಬಹುದು. ಈ ವಿನಾಯಿತಿ ಆಗಸ್ಟ್ 5 ರಿಂದ ಜಾರಿಗೆ ಬರಲಿದೆ.

ಲಸಿಕೆಯ ಎರಡನೇ ಡೋಸ್ ಪಡೆದ 14 ದಿನಗಳ ನಂತರ ಯುಎಇಗೆ ಮರಳಲು ಅವಕಾಶ ನೀಡಲಾಗುವುದು.ಕೋವಿಡ್ ವ್ಯಾಪಕವಾಗಿ ಹರಡಿದ ಪರಿಣಾಮ ಯುನೈಟೆಡ್ ಅರಬ್ ಎಮಿರೇಟ್ಸ್, ಭಾರತ ಸೇರಿದಂತೆ ಬಾಂಗ್ಲಾದೇಶ, ಶ್ರೀಲಂಕಾ ಮತ್ತು ಪಾಕಿಸ್ತಾನದಿಂದ ಯುಎಇ ಪ್ರಯಾಣವನ್ನು ನಿಷೇಧಗೊಳಿಸಲಾಗಿತ್ತು.