ವಿಟ್ಲ : ಡಿ’ ಗ್ರೂಪ್ ವಿಟ್ಲ (ಡಿ ಫೋರ್ ಡೂ)(R) ಇದರ 12 ನೇ ವಾರ್ಷಿಕೋತ್ಸವದ ಅಂಗವಾಗಿ ಬ್ಲಡ್ ಹೆಲ್ಪ್ ಲೈನ್ ಕರ್ನಾಟಕ(ರಿ) ಜಂಟಿ ಆಶ್ರಯದಲ್ಲಿ ಯೆನೆಪೋಯ ಆಸ್ಪತ್ರೆ ದೇರಳಕಟ್ಟೆ, ಮಂಗಳೂರು ಸಹಭಾಗಿತ್ವದಲ್ಲಿ ಬ್ರಹತ್ ಸಾರ್ವಜನಿಕ ರಕ್ತದಾನ ಶಿಬಿರ ಹಾಗೂ ಸನ್ಮಾನ ಕಾರ್ಯಕ್ರಮ ದಿನಾಂಕ 04 ಎಪ್ರಿಲ್ 2021 ರ ಆದಿತ್ಯವಾರ ರಿಹಾ ಪ್ಲಾನೆಟ್ ಸಭಾಂಗಣ ವಿಟ್ಲದಲ್ಲಿ ಯಶಸ್ವಿಯಾಗಿ ನಡೆಯಿತು.
ಜನಾಬ್: ಖಲಂದರ್ ಪರ್ತಿಪ್ಪಾಡಿ(ಅಧ್ಯಕ್ಷರು ಡಿ’ಗ್ರೂಪ್ ವಿಟ್ಲ) ಸಭಾದ್ಯಕ್ಷತೆ ವಹಿಸಿದ್ದ ರಕ್ತದಾನ ಶಿಬಿರವನ್ನು ಜನಾಬ್: ಆರ್.ಕೆ ಅಬ್ದುಲ್ಲಾ ಹಾಜಿ ಸ್ಮೈಲ್ ಪಾರ್ಕ್(ಮಾಲೀಕರು ರಿಹಾ ಪ್ಲಾನೆಟ್ ವಿಟ್ಲ) ದುವಾಶೀರ್ವಚನ ನೀಡಿದರು.
ಯಶಸ್ವಿಯಾಗಿ ನಡೆದ ಶಿಬಿರದಲ್ಲಿ 70 ಮಂದಿ ರಕ್ತದಾನ ಮಾಡುವ ಮೂಲಕ ಜೀವದಾನಿಗಳಾದರು.ದಾನಿಗಳಿಂದ ರಕ್ತ ಸಂಗ್ರಹಿಸುವಲ್ಲಿ ಯೇನೆಪೋಯ ಆಸ್ಪತ್ರೆಯ ರಕ್ತನಿಧಿಯ ವೈದ್ಯಾಧಿಕಾರಿಗಳು ಹಾಗೂ ಸಿಬ್ಬಂದಿ ವರ್ಗದವರು ಸಹಕರಿಸಿದರು.
ಜನಾಬ್: ಅಬೂಬಕರ್ ಅನಿಲಕಟ್ಟೆ ಯವರು ಸ್ವಾಗತಿಸಿದರು.ಕಾರ್ಯಕ್ರಮದಲ್ಲಿ ರಶೀದ್ ವಿಟ್ಲ,ಶಾಕಿರ್ ಅಳಕೆಮಜಲು,ರಾಮದಾಸ್ ಶೆಣೈ,ಹಸೈನಾರ್, ಆಶಿಕ್ ಫೋಕಸ್ ಹಾಗೂ ಬ್ಲಡ್ ಹೆಲ್ಪ್ ಲೈನ್ ಕರ್ನಾಟಕ(ರಿ) ಪದಾಧಿಕಾರಿಗಳು ಹಾಗೂ ಡಿ’ಗ್ರೂಪ್ ವಿಟ್ಲ ಇದರ ಪದಾಧಿಕಾರಿಗಳು ಉಪಸ್ಥಿತರಿದ್ದರು.
ರಕ್ತ ದಾನ ಮಾಡಿದ ಸರ್ವ ಸಹೃದಯಿ ದಾನಿಗಳಿಗೂ ಯೇನೆಪೋಯ ಆಸ್ಪತ್ರೆ ರಕ್ತನಿಧಿಯ ಸಿಬ್ಬಂದಿ ವರ್ಗಕ್ಕೂ,ಕಾರ್ಯಕ್ರಮದ ಯಶಸ್ವಿಗಾಗಿ ಹಗಲಿರುಳು ಶ್ರಮಿಸಿದ ಡಿ’ಗ್ರೂಪ್ ವಿಟ್ಲ ಪದಾಧಿಕಾರಿಗಳಿಗೂ ಹಾಗೂ ಮಾಧ್ಯಮ ಪ್ರತಿನಿಧಿಗಳಿಗೂ ಸಂಘಟಕರು ಕೃತಜ್ಞತೆಯನ್ನು ತಿಳಿಸಿದ್ದಾರೆ.
ವರದಿ
ಮಾಧ್ಯಮ ವಿಭಾಗ
ಬ್ಲಡ್ ಹೆಲ್ಪ್ ಲೈನ್ ಕರ್ನಾಟಕ(ರಿ)
