ಕೊರೋನಾ – ಹೈಡ್ರೋಕ್ಸಿ ಕ್ಲೋರೋಕ್ವಿನ್, ಲೊಪಿನಾವಿರ್/ರಿಟೋನಾವಿರ್ ಪರಿಣಾಮಕಾರಿಯಲ್ಲ

ಕೊರೋನಾ ಸೋಂಕನ್ನು ತಡೆಯುವುದಕ್ಕೆ, ಗುಣಪಡಿಸುವುದಕ್ಕೆ ಯಾವ ವೈರಾಣು ನಿರೋಧಕ ಔಷಧವೂ ಸದ್ಯಕ್ಕಿಲ್ಲ, ಅದರ ಅಗತ್ಯವೂ ಇಲ್ಲ.

ಶೇ 1ಕ್ಕಿಂತ ಕಡಿಮೆ ಸೋಂಕಿತರಲ್ಲಿ ಸೋಂಕು ಉಲ್ಬಣವಾಗಬಹುದು, ಅಂಥವರಲ್ಲಿ 2/3 ರಿಗೆ ಕೇವಲ ಆಮ್ಲಜನಕ ಕೊಟ್ಟರೆ ಸಾಕಾಗುತ್ತದೆ; ಉಳಿದವರಿಗೆ ತೀವ್ರ ನಿಗಾ ಘಟಕದಲ್ಲಿ ಉನ್ನತ ಮಟ್ಟದ ಚಿಕಿತ್ಸೆ, ಅಂದರೆ ಆಗಿರುವ ಸಮಸ್ಯೆಗಳನ್ನು ನಿಭಾಯಿಸುವ ಚಿಕಿತ್ಸೆ (ಉಸಿರಾಟಕ್ಕೆ ನೆರವು, ಅಗತ್ಯವಿದ್ದರೆ ಡಯಾಲಿಸಿಸ್, ರಕ್ತದೊತ್ತಡ ಇಳಿದಿದ್ದರೆ ಅದಕ್ಕೆ ಬೇಕಾದ ನೆರವು ಇತ್ಯಾದಿ) ಬೇಕಾಗಬಹುದು. ಅದನ್ನು ನೀಡುವ ಕ್ಷಮತೆ ನಮ್ಮ ಆಧುನಿಕ ವೈದ್ಯವಿಜ್ಞಾನಕ್ಕಿದೆ, ಈ ಮೊದಲಿನಿಂದಲೂ ಅದನ್ನು ಮಾಡುತ್ತಿದ್ದೇವೆ, ಈಗಲೂ ಮಾಡಲಿದ್ದೇವೆ.

ಆಯುರ್ವೇದ, ಹೋಮಿಯೋ ಇತ್ಯಾದಿಗಳೂ ಅಗತ್ಯವಿಲ್ಲ, ಪ್ರಯೋಜನವೂ ಇಲ್ಲ. ಇವುಗಳಿಲ್ಲದೆಯೇ 60 ಲಕ್ಷಕ್ಕೂ ಹೆಚ್ಚು ಸೋಂಕಿತರು, ನಮ್ಮ ದೇಶದಲ್ಲಿ 4 ಲಕ್ಷಕ್ಕೂ ಹೆಚ್ಚು ಸೋಂಕಿತರು, ಈಗಾಗಲೇ ಗುಣ ಹೊಂದಿದ್ದಾರೆ. ಸ್ವಪ್ರಚಾರದ ಸುಳ್ಳುಗಳು ಅಲ್ಲೇ ಬದಿಗಿರಲಿ.

ಡಾ ಶ್ರೀನಿವಾಸ ಕಕ್ಕಿಲ್ಲಾಯ