ಕುವೈತ್ ಸಿಟಿ: ಕುವೈತ್‌ನಲ್ಲಿ ಪೂರ್ಣ ಸಮಯದ ಕರ್ಫ್ಯೂ ವಿಧಿಸುವ ಬಗ್ಗೆ ಸಂಪುಟ ನಿರ್ಧಾರ ಕೈಗೊಂಡಿದೆ. ಈ ನಿರ್ಬಂಧವು ಮೇ 10 ರ ರವಿವಾರ ಸಂಜೆ 4 ರಿಂದ ಜಾರಿಗೆ ಬರಲಿದ್ದು, ಮೇ 30ರ ಶನಿವಾರದ ವರೆಗೆ ನಿಯಂತ್ರಣ ಮುಂದುವರಿಯಲಿದೆ.
ಗೃಹ ಸಚಿವ ಅನಸ್ ಅಲ್-ಸಾಲಿಹ್ ಅವರು ಈ ಬಗ್ಗೆ ಮಾತನಾಡಿ, ಪೂರ್ಣ ಸಮಯದ ನಿಯಂತ್ರಣವು ಈದ್‌ವರೆಗೆ ಮುಂದುವರಿಯಲಿದೆ ಎಂದು ಹೇಳಿದ್ದಾರೆ. ಹಬ್ಬದ ನಂತರ ನಿರ್ಬಂಧಗಳನ್ನು ಕ್ರಮೇಣ ಕಡಿಮೆಗೊಳಿಸಿ, ನಂತರ ಸ್ಥಿತಿಗತಿಯು ಸಾಮಾನ್ಯ ಸ್ಥಿತಿಗೆ ಬರಲಿದೆ ಎಂದು ನಂಬಲಾಗಿದ್ದು, ಎಲ್ಲರ ಸಹಕಾರದ ನಿರೀಕ್ಷೆ ಇದೆ ಎಂದು ಗೃಹ ಸಚಿವರು ಹೇಳಿದರು.
ಪ್ರಮುಖ ನಿರ್ಬಂಧಗಳು:
ಆರೋಗ್ಯ, ಸುರಕ್ಷತೆ ಮತ್ತು ಸೇವಾ ಕ್ಷೇತ್ರಗಳು ಮತ್ತು ಅವುಗಳಿಗೆ ಸಂಬಂಧಿಸಿದ ಖಾಸಗಿ ವಲಯ ಮತ್ತು ಸೇವಾ ಕ್ಷೇತ್ರಗಳಿಗೆ ವಿನಾಯಿತಿ ನೀಡಲಾಗುವುದು
ನಿಯಂತ್ರಣ ಅವಧಿಯಲ್ಲಿ ಜನರ ಮೂಲಭೂತ ಅಗತ್ಯಗಳನ್ನು ಪೂರೈಸಲು ಸೇವಾ ಸಂಘಟನೆಗಳನ್ನು ಸಜ್ಜುಗೊಳಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಸ್ಥಳೀಯರು ಮತ್ತು ವಿದೇಶಿಯರು ವೆಬ್‌ಸೈಟ್ ಮೂಲಕ ಅಪಾಯಿಂಟ್ಮೆಂಟ್ ಪಡಕೊಂಡು ಮತ್ತು ಕ್ಯೂಆರ್ ಕೋಡ್ ಬಳಸಿ ಖರೀದಿ ಮಾಡಬಹುದು. www.moci.shop ವೆಬ್‌ಸೈಟ್ ಇದಕ್ಕಾಗಿ ವಿಶೇಷ ವ್ಯವಸ್ಥೆಯನ್ನೂ ರೂಪಕಲ್ಪಿಸಿದೆ.
ಎರಡು ಬಾರ್‌ಕೋಡ್‌ಗಳನ್ನು ಗ್ರಾಹಕರ ಮೊಬೈಲ್ ಫೋನ್‌ಗೆ ಕಳುಹಿಸಲಾಗುತ್ತದೆ. ಒಂದು ಕರ್ಫ್ಯೂ ಸಮಯದಲ್ಲಿ ಮನೆಯಿಂದ ಹೊರಗಡೆ ತೆರಳಲು ಮತ್ತು ಇನ್ನೊಂದು ಸೇವಾ ಸಂಘಗಳ ಅಪಾಯ್ಮೆಂಟ್‌ಗಾಗಿ ಸಜ್ಜುಗೊಳಿಸಲಾಗಿದೆ. ಸಹಕಾರಿ ಸಂಘಗಳ ಸರಹದ್ದಿನಲ್ಲಿರುವವರಿಗೆ ಮಾತ್ರ ಈ ಸೇವೆಯನ್ನು ಪಡೆಯಬಹುದು.
ದೇಶದಲ್ಲಿ ದಿನದಿಂದ ದಿನಕ್ಕೆ ಕೋವಿಡ್ ಪ್ರಕರಣಗಳ ಸಂಖ್ಯೆ ಹೆಚ್ಚಾಗುತ್ತಿರುವುದರಿಂದ ಆರೋಗ್ಯ ಸಚಿವಾಲಯದ ನಿರ್ದೇಶನದ ಮೇರೆಗೆ ಕುವೈತ್‌ನಲ್ಲಿ ಪೂರ್ಣ ಸಮಯದ ಕರ್ಫ್ಯೂ ವಿಧಿಸಲು ಸರಕಾರ ನಿರ್ಧರಿಸಿದೆ. ಮೇ 10 ರ ರವಿವಾರ ಸಂಜೆ 4 ರಿಂದ ಮೇ 30 ರವರೆಗೆ ನಿಯಂತ್ರಣ ಜಾರಿಯಲ್ಲಿರಲಿದೆ. ಪ್ರಸಕ್ತ, ದೇಶದದಲ್ಲಿ ಹದಿನಾರು ಗಂಟೆಗಳು ಕರ್ಫ್ಯೂ ಜಾರಿಯಲ್ಲಿದ್ದು, ಇದನ್ನು ರವಿವಾರದಿಂದ 24 ಗಂಟೆಗಳವರೆಗೆ ವಿಸ್ತರಿಸಲಾಗಿದೆ.
