ಗುರುಪುರ ಕೈಕಂಬ :ಡಾ!ಬಿ.ಆರ್ ಅಂಬೇಡ್ಕರ್ ರಚಿಸಿದ ಸಂವಿಧಾನವನ್ನು ಸಂರಕ್ಷಿಸುವ ಮೂಲಕ ನಾವೆಲ್ಲರೂ ನೈಜ ಭಾರತೀಯರಾಗೋಣ ಎಂದು ಖ್ಯಾತ ಚಿಂತಕರೂ ಸಾಮಾಜಿಕ ಚಳುವಳಿಗಾರರೂ ಆದ ಸನ್ಮಾನ್ಯ ಶ್ರೀ ಮಹೇಂದ್ರ ಕುಮಾರ್ ಬೆಂಗಳೂರು ಹೇಳಿದರು.
ಅವರು ಸಂವಿಧಾನ ಸಂರಕ್ಷಣಾ ವೇದಿಕೆ ಗುರುಪುರ ಕೈಕಂಬ ಆಯೋಜಿಸಿದ್ದ ಬೃಹತ್ ಪ್ರತಿಭಟನಾ ಸಮಾವೇಶದಲ್ಲಿ ಮುಖ್ಯ ಭಾಷಣಗಾರರಾಗಿ ಮಾತನಾಡಿದರು.
ಹಾಜಿ ಇಸ್ಮಾಯಿಲ್ ಇಂಜಿನಿಯರ್ ಬಜಪೆಯವರ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯನ್ನು ಖ್ಯಾತ ಪತ್ರಕರ್ತ ಶಶಿಧರ್ ಭಟ್ ಬೆಂಗಳೂರು ಉದ್ಘಾಟಿಸಿದರು. ಆಲ್ಫೋನ್ಸ್ ಫ್ರಾಂಕೋ ಫ್ರಾಂಕ್, ಮೌಲಾನಾ ಡಾ!ಅಬ್ದುಲ್ ರಶೀದ್ ಝೈನಿ ಕಾಮಿಲ್, ಮೌಲಾನಾ ಅಬ್ದುಲ್ ಅಝೀಝ್ ದಾರಿಮಿ ಚೊಕ್ಕಬೆಟ್ಟು, ತಾರೀಕ್ ಅನ್ವರ್ ಸಲಫೀ, ಎ. ಕೆ ಅಶ್ರಫ್ ಜೋಕಟ್ಟೆ
ಸನ್ಮಾನ್ಯ ಶ್ರೀ ರಾ ಚಿಂತನ್, ಸನ್ಮಾನ್ಯ ಶ್ರೀ ರಮನಾಥ ರೈ, ಸನ್ಮಾನ್ಯ ಶ್ರೀ ವಸಂತ ಆಚಾರಿ ಮುಂತಾದವರು
ಮಾತನಾಡಿದರು.
10 ಸಾವಿರಕ್ಕಿಂತಲೂ ಮಿಕ್ಕ ಜನರು ಸೇರಿದ ಬೃಹತ್ ಸಭೆಯಲ್ಲಿ ಆಝಾದೀ ಘೋಷಣೆಗಳು ಮುಗಿಲುಮುಟ್ಟುತ್ತಿತ್ತು. ಎಲ್ಲೆಂದರಲ್ಲಿ ಭಾರತದ ತಿರಂಗ ಬಾವುಟಗಳು ಹಾರಾಡುತ್ತಿದ್ದವು. ಸಭೆಯಲ್ಲಿ ಸಾಮಾಜಿಕ, ಶೈಕ್ಷಣಿಕ ಚಿಂತಕರೂ, ಕ್ರೈಸ್ತ ಭಗಿನಿಯರು, ಹಿಂದೂ ಸಹೋದರರು ಹಾಗೂ ಹಲವಾರು ಉಲಮಾ – ಉಮರಾ ನಾಯಕರು ಭಾಗವಹಿಸಿದ್ದರು. ಕಾರ್ಯಕ್ರಮ ಪ್ರಾರಂಭದಲ್ಲಿ ಕೆ.ಹೆಚ್ ಯು ಶಾಫಿ ಮದನಿ ಕರಾಯ ಸ್ವಾಗತಿಸಿ ಕೊನೆಯಲ್ಲಿ ಆರಿಫ್ ಕಮ್ಮಾಜೆ ಧನ್ಯವಾದಗೈದರು.
