ರಿಯಾದ್: ಸೌದಿ ಅರೇಬಿಯಾದ ಮೊದಲ ಸಿನೆಮಾ ಮ್ಯೂಸಿಯಂ ಮದೀನಾದಲ್ಲಿ ಪ್ರಾರಂಭವಾಗುತ್ತಿದೆ. ಪ್ರವಾದಿ (ಸ) ಅವರ ಇತಿಹಾಸವನ್ನು ವಿವರಿಸುವ 3ಡಿ ಚಲನಚಿತ್ರಗಳನ್ನು ಪ್ರದರ್ಶಿಸಲಾಗುವ ಈ ಸಿನೇಮಾ ಮ್ಯೂಸಿಯಂ ಮುಂದಿನ ವರ್ಷದಿಂದ ಆರಂಭಗೊಳ್ಳಲಿದೆ.
ಪ್ರವಾದಿಯ ಇತಿಹಾಸವನ್ನು ವಿವರಿಸುವ 3ಡಿ ಚಿತ್ರಗಳನ್ನು ಪ್ರದರ್ಶಿಸಲಾಗುತ್ತಿದ್ದು, 8ಡಿ ಧ್ವನಿ ತಂತ್ರಜ್ಞಾನದ ಮೂಲಕ ಭಾಷಾಂತರಿಸಿ, 8 ಭಾಷೆಗಳಲ್ಲಿ ಪ್ರದರ್ಶಿಸಲಾಗುವುದು. ಪ್ರವಾದಿ ಮುಹಮ್ಮದ್ (ಸ) ಅವರ ಜೀವನದ ಪ್ರಮುಖ ಇತಿಹಾಸಗಳನ್ನು ವಿವರಿಸುವ ಆರು ಚಿತ್ರಗಳೊಂದಿಗೆ ಚಲನಚಿತ್ರ ಮ್ಯೂಸಿಯಂ ತೆರೆಯಲಾಗುವುದು ಎಂದು ಯೋಜನೆಯ ಅಧ್ಯಕ್ಷ ಅಹ್ಮದ್ ಅಲ್-ಜುರೈಶಿ ಹೇಳಿದರು.
ಇದು ಮುಂದಿನ ವರ್ಷದ ಆರಂಭದಲ್ಲಿ ಪ್ರಾರಂಭಿಸಲು ಸಿದ್ಧವಾಗಿದೆ. ಅರೇಬಿಕ್, ಇಂಗ್ಲಿಷ್, ಫ್ರೆಂಚ್, ಟರ್ಕಿಶ್, ಹಿಂದಿ, ಉರ್ದು, ಮಲೇಷಿಯನ್ ಮತ್ತು ಇಂಡೋನೇಷ್ಯನ್ ಭಾಷೆಗಳನ್ನು ಚಿತ್ರದಲ್ಲಿ ಬಳಸಲಾಗುತ್ತದೆ ಎಂದು ಅವರು ಹೇಳಿದರು. ಯಾತ್ರಾರ್ಥಿಗಳು ಮತ್ತು ಸಂದರ್ಶಕರಿಗೆ ಪ್ರವಾದಿಯ ಇತಿಹಾಸವನ್ನು ಸುಲಭವಾಗಿ ಅರ್ಥಮಾಡಿಕೊಡುವುದು ಯೋಜನೆಯ ಉದ್ದೇಶವಾಗಿದೆ ಎಂದು ಅವರು ತಿಳಿಸಿದ್ದಾರೆ.
