ರಿಯಾದ್: ಸೌದಿಯಲ್ಲಿ ಇಡೀ ದಿನ ಅಂಗಡಿಗಳನ್ನು ತೆರೆದಿಡಲು ನೀಡಬೇಕಾಗುವ ದರದಲ್ಲಿ ಅಗತ್ಯ ಸೇವೆಗಳಿಗೆ ವಿನಾಯಿತಿ ದೊರಯಲಿದ್ದು, ಪೆಟ್ರೋಲ್ ಪಂಪ್, ಮೆಡಿಕಲ್ ಶಾಪ್ ಮುಂತಾದ ಅವಶ್ಯ ಸೇವೆಗಳಿಗೆ ವಿನಾಯಿತಿ ಲಭ್ಯವಾಗಲಿದೆ.
ಮುನ್ಸಿಪಲ್ ಖಾತೆ ಸಚಿವಾಲಯದ ಉನ್ನತ ಅಧಿಕಾರಿಗಳು ಈ ಬಗ್ಗೆ ಮಾಹಿತಿ ನೀಡಿದ್ದು, ಇಪ್ಪತ್ತನಾಲ್ಕು ಗಂಟೆಯೂ ತೆರದು ಕಾರ್ಯಾಚರಿಸುವುದಕ್ಕೆ ಸಚಿವಾಲಯ ಅನುಮೋದನೆ ನೀಡಿತ್ತು. ಅಕ್ಟೋಬರ್ ತಿಂಗಳಿನಿಂದ ಈ ನಿಯಮ ಜಾರಿಯಾಗಲಿದೆ.
ದಿನ ಪೂರ್ತಿ ಅಂಗಡಿಗಳನ್ನು ತೆರೆದಿಡಲು ಸಂಸ್ಥೆಯ ಸಾಮರ್ಥ್ಯಾನುಸಾರ ಒಂದು ಲಕ್ಷ ರಿಯಾಲ್ ವರೆಗೆ ವಾರ್ಷಿಕ ದರ ನಿಗದಿಪಡಿಸಬಹುದಾಗಿದೆ. ದರ ಪಡೆಯದೆ ಕಾರ್ಯಾಚರಣೆ ಮಾಡಬಹುದಾದ ಸಂಸ್ಥೆಗಳ ಬಗ್ಗೆ ಮಾಹಿತಿ ಕಲೆಹಾಕಲು ಮುನಿಸಿಪಲ್ ಗ್ರಾಮಾಭಿವೃದ್ದಿ ಸಚಿವಾಲಯವನ್ನು ವಹಿಸಲಾಗಿತ್ತು. ಇದರ ಅನುಸಾರವಾಗಿ ಪೆಟ್ರೋಲ್ ಪಂಪ್ 24 ಗಂಟೆಯೂ ಕಾರ್ಯಾಚರಿಸಲು ಯಾವುದೇ ದರ ಪಾವತಿಸಬೇಕಾಗಿಲ್ಲ. ಆಸ್ಪತ್ರೆ, ಮೆಡಿಕಲ್ ಶಾಪ್, ಸಮಾಜಸೇವಾ ಸಂಸ್ಥೆಗಳೂ ದರ ಪಾವತಿಸಬೇಕಾಗಿಲ್ಲ.
ಉತ್ತರ ವಲಯ ಮುನಿಸಿಪಲ್ ಅಸಿಸ್ಟೆಂಟ್ ಅಂಡರ್ ಸೆಕ್ರೆಟರಿ ಈ ಬಗ್ಗೆ ಮಾಹಿತಿ ನೀಡಿದ್ದು, ಎಲ್ಲಾ ಸಂಸ್ಥೆಗಳಿಗೂ ಇದು ಅನ್ವಯವಾಗಲಿದೆಯೇ ಎನ್ನುವ ಬಗ್ಗೆ ಸ್ಪಷ್ಟನೆ ಇಲ್ಲ. ಪೆಟ್ರೋಲ್ ಪಂಪ್ಗಳಲ್ಲಿ ಕಾರ್ಯಾಚರಿಸುವ ಇತರ ಅಂಗಡಿಗಳ ಬಗ್ಗೆ ಸಚಿವಾಲಯದ ಮುಂದಿನ ತೀರ್ಮಾನದ ವರೆಗೆ ಕಾಯಬೇಕಾಗಿದೆ.
