ಸೌದಿ: ಚಿಲ್ಲರೆ ವ್ಯಾಪಾರ ಕೇಂದ್ರಗಳಲ್ಲೂ ಇ-ಪೇಮೆಂಟ್ ಸೌಲಭ್ಯ ಕಡ್ಡಾಯ

ರಿಯಾದ್: ಸೌದಿ ಅರೇಬಿಯಾದ ಚಿಲ್ಲರೆ ವ್ಯಾಪಾರ ಕೇಂದ್ರಗಳಲ್ಲಿ ಇಲೆಕ್ಟ್ರಾನಿಕ್ ಪೇಮೆಂಟ್ ಸೌಕರ್ಯವನ್ನು ಕಡ್ಡಾಯಗೊಳಿಸಲು ನಿರ್ದೇಶನ ನೀಡಲಾಗಿದೆ. 14 ತಿಂಗಳ ಒಳಗೆ ದೇಶದ ಎಲ್ಲಾ ಚಿಲ್ಲರೆ ವ್ಯಾಪಾರ ಕೇಂದ್ರಗಳಲ್ಲೂ ಇ-ಪೇಮೆಂಟ್ ವ್ಯವಸ್ಥೆಯನ್ನು ಕಡ್ಡಾಯಗೊಳಿಸಲಾಗುವುದು.

ತೈಲ ಕೇಂದ್ರಗಳು ಮತ್ತು ಅನುಬಂಧಿತ ಸರ್ವೀಸ್ ಕೇಂದ್ರಗಳಲ್ಲಿ ರವಿವಾರದಿಂದ ಈ ಸೇವೆಯು ಪ್ರಾರಂಭಗೊಳ್ಳಲಿದೆ.

ಇಂಧನ ಕೇಂದ್ರಗಳು, ಅನುಬಂಧಿತ ಸರ್ವೀಸ್ ಕೇಂದ್ರಗಳಲ್ಲಿ ಗ್ರಾಹಕರಿಗೆ ದುಲ್‌ಖಅದ್ 11, ಅಥವಾ ಮುಂದಿನ ರವಿವಾರದಿಂದ ಇ-ಪೇಮೆಂಟ್ ವ್ಯವಸ್ಥೆಯನ್ನು ಜಾರಿಗೊಳಿಸಬೇಕು ಎಂದು ಮೂರು ತಿಂಗಳ ಹಿಂದೆ ಮುನಿಸಿಪಲ್, ಗ್ರಾಮೀಣ ಸಚಿವಾಲಯ ಆದೇಶ ನೀಡಿತ್ತು. ಇದಕ್ಕಾಗಿ ನಾಲ್ಕು ಸಾವಿರದಷ್ಟು ಯಂತ್ರಗಳನ್ನು ವಿವಿಧ ಇಂಧನ ಕೇಂದ್ರಗಳು ಮತ್ತು ಸರ್ವೀಸ್ ಕೇಂದ್ರಗಳಿಗೂ ರವಾನೆ ಮಾಡಲಾಗಿದೆ.

ಇದರ ಹೊರತಾಗಿ ಎಲ್ಲಾ ಚಿಲ್ಲರೆ ವ್ಯವಹಾರ ಕೇಂದ್ರಗಳಿಗೂ ಈ ವ್ಯವಸ್ಥೆ ಜಾರಿಗೊಳಿಸುವುದಾಗಿ ಭಯೋತ್ಪಾದನಾ ವಿರುದ್ದ ಪ್ರೊಗ್ರಾಮ್ ತಿಳಿಸಿದೆ. ದೇಶದಲ್ಲಿ ಕರೆನ್ಸಿಯೇತರ ವಿನಿಮಯವನ್ನು ಪ್ರೋತ್ಸಾಹಿಸುವ ಭಾಗವಾಗಿ ಈ ನಡೆ ಎನ್ನಲಾಗಿದೆ. ಮುಂದಿನ ವರ್ಷ ಆಗಸ್ಟ್ ಒಳಗೆ ಸಂಪೂರ್ಣ ಸಣ್ಣ ವ್ಯವಹಾರ ಕೇಂದ್ರಗಳಿಗೂ ಇ-ಪೇಮೆಂಟ್ ವ್ಯವಸ್ಥೆಯನ್ನು ಜಾರಿಗೊಳಿಸಲು ಉದ್ದೇಶಿಸಲಾಗಿದೆ.

ವ್ಯವಹಾರ ಹೂಡಿಕೆ ಸಚಿವಾಲಯ, ಮುನಿಸಿಪಲ್ ಗ್ರಾಮೀಣ ಖಾತೆಯ ಸಚಿವಾಲಯ, ಸೌದಿ ಅರೇಬಿಯನ್ ನಾಣ್ಯ ಏಜೆನ್ಸಿ ಮುಂತಾದವುಗಳ ಸಹಕಾರದೊಂದಿಗೆ ಈ ಯೋಜನೆ ಜಾರಿಗೊಳಿಸಲಾಗುತ್ತಿದೆ.