ಇಂದು ಕಾಪುವಿನಲ್ಲಿ ಐತಿಹಾಸಿಕ ಸಮಸ್ತ ತಾತ್ವಿಕ ಸಮಾವೇಶ- ಎಸ್ಸೆಸ್ಸೆಫ್ ಕಾಪು ಡಿವಿಷನ್ ಯಶಸ್ವಿಗೆ ಕರೆ

ಕಾಪು: ಅಕ್ಟೋಬರ್ 26; ಮಹೋನ್ನತ ಅವುಲಿಯಾ ಶಿರೋಮಣಿಗಳಿಂದ ಸ್ಥಾಪಿತಗೊಂಡ ಸಮಸ್ತ ಎಂಬ ಪ್ರಸ್ಥಾನ 100 ವರ್ಷಗಳನ್ನು ಪೂರ್ತಿಗೊಳಿಸುವ ಈ ಸಂದರ್ಭದಲ್ಲಿ ನೂರು ಪ್ರಕಾಶಮಾನ ವರ್ಷಗಳ ಪ್ರಯುಕ್ತ “ಸಮಸ್ತ ಸೆಂಟಿನರಿ” ಭಾಗವಾಗಿ ಸುನ್ನೀ ಉಲಮಾ ಒಕ್ಕೂಟ ಹಾಗೂ ಜಿಲ್ಲಾ ಸಂಯುಕ್ತ ಜಮಾಅತ್ ಉಡುಪಿ ಜಿಲ್ಲಾ ಸಂಯುಕ್ತ ಆಶ್ರಯದಲ್ಲಿ “ಸಮಸ್ತ; ತಾತ್ವಿಕ ಸಮಾವೇಶ” ಐತಿಹಾಸಿಕವಾಗಿ ಅಕ್ಟೋಬರ್ 27 ಮಂಗಳವಾರ (ಇಂದು) ಸಾಯಂಸಂಜೆ 05 ಗಂಟೆಯಿಂದ ಇನಾಸನ್ ಆಡಿಟೋರಿಯಂ ಕೊಪ್ಪಲಂಗಡಿ – ಕಾಪುವಿನಲ್ಲಿ ನಡೆಯಲಿದೆ.

ಸಮಸ್ತ ಪ್ರಧಾನ ಕಾರ್ಯದರ್ಶಿ ಶೈಖುನಾ ಸುಲ್ತಾನುಲ್ ಉಲಮಾ ಎ.ಪಿ. ಉಸ್ತಾದ್, ಬದ್ರುಸ್ಸಾದತ್ ಸಯ್ಯಿದ್ ಕಡಲುಂಡಿ ತಂಙಳ್, ಸಯ್ಯಿದ್ ಕುಂಬೋಳ್ ತಂಙಳ್, ಜಿಲ್ಲಾ ಸಂಯುಕ್ತ ಖಾಝಿ ಝೈನುಲ್ ಉಲಮಾ ಶೈಖುನಾ ಮಾಣಿ ಉಸ್ತಾದ್, ಶೈಖುನಾ ಪೇರೋಡ್ ಉಸ್ತಾದ್, ಮೌಲಾನ ಡಾ. ಕಾವಳಕಟ್ಟೆ ಹಝ್ರತ್, ಸಯ್ಯಿದ್ ಕೋಟೇಶ್ವರ ತಂಙಳ್ ಸಹಿತ ಸಂಘಟನಾ ಪ್ರಮುಖ ನಾಯಕರು, ಧಾರ್ಮಿಕ, ಸಾಮಾಜಿಕ, ರಾಜಕೀಯ, ಶೈಕ್ಷಣಿಕ ಗಣ್ಯ ವ್ಯಕ್ತಿಗಳು ಭಾಗವಹಿಸಲಿದ್ದಾರೆ.

ಈ ಒಂದು ಸಮಸ್ತ ತಾತ್ವಿಕ ಸಮಾವೇಶ ಐತಿಹಾಸಿಕವಾಗಿ ವಿಜಯಗೊಳಿಸಲು ಸಂಘಟನಾ ಕಾರ್ಯಕರ್ತರು, ಹಿತೈಷಿಗಳು ಭಾಗವಹಿಸಿ ಯಶಸ್ವಿಗೊಳಿಸುವಂತೆ ಎಸ್ಸೆಸ್ಸೆಫ್ ಕಾಪು ಡಿವಿಷನ್ ಸಮಿತಿ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ ಎಂದು ಡಿವಿಷನ್ ಮೀಡಿಯಾ ಕಾರ್ಯದರ್ಶಿ ವರದಿ ಮಾಡಿದ್ದಾರೆ.

*ಮೀಡಿಯಾ ಕಾರ್ಯದರ್ಶಿ*
ಎಸ್ಸೆಸ್ಸೆಫ್ ಕಾಪು ಡಿವಿಷನ್