ವಲಸಿಗರಿಗೆ ಶುಭ ಸುದ್ದಿ- ವಾದಿ ಅಲ್ ಬನಾತ್ ನಲ್ಲಿ ಹೊಸ ಪಾಸ್ ಪೋರ್ಟ್ ಕಚೇರಿ ಕಾರ್ಯಾರಂಭ

ದೋಹಾ, ಸೆ.9: ನಾಳೆಯಿಂದ ಕತಾರ್ ನ ವಾದಿ ಅಲ್ ಬನಾತ್ ನಲ್ಲಿ ಹೊಸ ಪಾಸ್ ಪೋರ್ಟ್ ಕಚೇರಿ ಕಾರ್ಯಾರಂಭ ಗೊಳ್ಳಲಿದೆ. ಅಲ್ ಘರಫಾದಲ್ಲಿನ ಹಳೆಯ ಕಟ್ಟಡದಿಂದ ಹೊಸ ಕಚೇರಿಗೆ ಕಾರ್ಯಾಚರಣೆ ಸ್ಥಳಾಂತರಗೊಳಿಸಲಾಗಿದೆ.

ಸೆಪ್ಟೆಂಬರ್ 10 ರ ಭಾನುವಾರದಿಂದ ಹೊಸ ಪ್ರಧಾನ ಕಚೇರಿ ಕಟ್ಟಡದಲ್ಲಿ ಕಾರ್ಯಾಚರಣೆ ಪ್ರಾರಂಭವಾಗಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. (Qatar General Directorate of Passports) ಭಾನುವಾರದಿಂದ ಗುರುವಾರದವರೆಗೆ ಬೆಳಿಗ್ಗೆ 7 ರಿಂದ ಮಧ್ಯಾಹ್ನ 12.30 ರವರೆಗೆ ಮತ್ತು ಮಧ್ಯಾಹ್ನ 1 ರಿಂದ ಸಂಜೆ 6 ರವರೆಗೆ ಕಾರ್ಯಾಚರಿಸಲಿದೆ. ಸಂದರ್ಶಕರು ಗೇಟ್ 1 ಮತ್ತು 3 ರ ಮೂಲಕ ಕಚೇರಿಯನ್ನು ಪ್ರವೇಶಿಸಬಹುದು. ವಾಹನಗಳನ್ನು ನೆಲಮಾಳಿಗೆಯ B1 ನಲ್ಲಿ ನಿಲುಗಡೆ ಮಾಡಬಹುದು.

ಆಂತರಿಕ ಸಚಿವ ಶೈಖ್ ಖಲೀಫಾ ಬಿನ್ ಹಮದ್ ಬಿನ್ ಖಲೀಫಾ ಅಲ್ ಥಾನಿ ಅವರು ಹೊಸ ಪಾಸ್‌ಪೋರ್ಟ್ ಕಚೇರಿಗೆ ಭೇಟಿ ನೀಡಿದರು ಮತ್ತು ಸೌಲಭ್ಯಗಳು ಮತ್ತು ಸೇವಾ ಕೇಂದ್ರಗಳನ್ನು ಪರಿಶೀಲಿಸಿದರು.