ದುಬೈ: ದುಬೈ ಇಂಡಿಯನ್ ಕಾನ್ಸುಲೇಟ್ ಎರಡು ಪಾಸ್ಪೋರ್ಟ್ ಸೇವಾ ಶಿಬಿರಗಳನ್ನು ಆಯೋಜಿಸುತ್ತಿದೆ. ಮೇ 22 ಮತ್ತು 29ರಂದು ಶಿಬಿರ ನಡೆಯಲಿದೆ. ತುರ್ತು ಪಾಸ್ಪೋರ್ಟ್ ಸೇವೆಗಳಿಗಾಗಿ ವಲಸಿಗರು ನೇರವಾಗಿ ಶಿಬಿರಗಳಿಗೆ ತೆರಳಬಹುದು ಎಂದು ಕಾನ್ಸುಲೇಟ್ ತಿಳಿಸಿದೆ.
ಶಿಬಿರವು ದುಬೈ ಮತ್ತು ಶಾರ್ಜಾದ ನಾಲ್ಕು BLS ಇಂಟರ್ನ್ಯಾಷನಲ್ ಸರ್ವೀಸ್ ಲಿಮಿಟೆಡ್ ಕೇಂದ್ರಗಳಲ್ಲಿ ನಡೆಯಲಿದೆ. ವಲಸಿಗರಿಗೆ ತುರ್ತು ಪಾಸ್ಪೋರ್ಟ್ ಸೇವೆಗಳನ್ನು ಒದಗಿಸುವ ಸಲುವಾಗಿ ಇವುಗಳನ್ನು ಆಯೋಜಿಸಲಾಗಿದೆ. ವಲಸಿಗರು ಎಲ್ಲಾ ನಾಲ್ಕು ಕೇಂದ್ರಗಳಲ್ಲಿ ನೇರವಾಗಿ ಆನ್‌ಲೈನ್ ಅರ್ಜಿ ನಮೂನೆಯನ್ನು ಭರ್ತಿ ಮಾಡಬಹುದು. ಅಗತ್ಯ ದಾಖಲೆಗಳನ್ನು ಹೊಂದಿರಬೇಕು. ಈ ಸೇವೆಯು ಮೊದಲು ಬಂದವರಿಗೆ ಮೊದಲ ಆದ್ಯತೆ ಎಂಬ ನೆಲೆಯಲ್ಲಿ ಸೇವೆ ಲಭ್ಯವಿರುತ್ತದೆ ಎಂದು ಕಾನ್ಸುಲೇಟ್ ಟ್ವೀಟ್ ಮಾಡಿದೆ.
ಸಾಕಷ್ಟು ದಾಖಲೆಗಳನ್ನು ನೀಡುವವರ ತುರ್ತು ಅಗತ್ಯಗಳಿಗಾಗಿ ಮಾತ್ರ ಪಾಸ್ಪೋರ್ಟ್ ಸೇವಾ ಶಿಬಿರವನ್ನು ಆಯೋಜಿಸಲಾಗಿದೆ. ವೈದ್ಯಕೀಯ ಅವಶ್ಯಕತೆಗಳು, ಮರಣ, ಜೂನ್ ಅಥವಾ ಅದಕ್ಕಿಂತ ಮೊದಲು ಪಾಸ್‌ಪೋರ್ಟ್‌ನ ಮುಕ್ತಾಯ, ಅವಧಿ ಮೀರಿದ ಅಥವಾ ರದ್ದುಗೊಂಡ ವೀಸಾ ಅಥವಾ ಹೊಸ ಕೆಲಸಕ್ಕೆ ಸ್ಟಾಂಪ್‌ಗಾಗಿ ಪಾಸ್‌ಪೋರ್ಟ್‌ನ ತಕ್ಷಣದ ನವೀಕರಣ, ಶೈಕ್ಷಣಿಕ ಉದ್ದೇಶಗಳಿಗಾಗಿ ಎನ್‌ಆರ್‌ಐ ಪ್ರಮಾಣಪತ್ರದ ಅವಶ್ಯಕತೆ, ಉದ್ಯೋಗಕ್ಕಾಗಿ ತುರ್ತು ಕ್ಲಿಯರೆನ್ಸ್ ಅಥವಾ ವಲಸೆ ಅಗತ್ಯತೆಗಳು ಹಾಗೂ ವಿದೇಶದಲ್ಲಿ ಅಧ್ಯಯನ ಮಾಡಲು ತಮ್ಮ ಪಾಸ್ಪೋರ್ಟ್ ಅನ್ನು ನವೀಕರಿಸಬೇಕಾದ ವಿದ್ಯಾರ್ಥಿಗಳಿಗೆ ಈ ಅವಕಾಶ ಲಭ್ಯವಿದೆ. ಮಧ್ಯಾಹ್ನ 1.30ರವರೆಗೆ ಸೇವೆಗಳಿಗೆ ಟೋಕನ್‌ಗಳನ್ನು ನೀಡಲಾಗುತ್ತದೆ.
