ಗಲ್ಫ್ ಕರೆನ್ಸಿಗೆ ಹಾನಿ ಮಾಡಿದ್ದಲ್ಲಿ ಐದು ವರ್ಷಗಳವರೆಗೆ ಜೈಲು ಶಿಕ್ಷೆ

ರಿಯಾದ್: ಸೌದಿ ಕರೆನ್ಸಿಯ ಗುರುತುಗಳನ್ನು ಬದಲಾಯಿಸುವ ಅಥವಾ ಉದ್ದೇಶಪೂರ್ವಕವಾಗಿ ಹಾನಿ ಮಾಡುವವರಿಗೆ ಮೂರರಿಂದ ಐದು ವರ್ಷಗಳವರೆಗೆ ಜೈಲು ಶಿಕ್ಷೆ ಮತ್ತು 3,000 ರಿಯಾಲ್‌ಗಳಿಂದ 10,000 ರಿಯಾಲ್ ಅಥವಾ ಇವುಗಳಲ್ಲಿ ಯಾವುದಾದರೂ ದಂಡವನ್ನು ಎದುರಿಸಬೇಕಾಗುತ್ತದೆ ಎಂದು ಸೌದಿ ಪಬ್ಲಿಕ್ ಪ್ರಾಸಿಕ್ಯೂಷನ್ ಹೇಳಿದೆ.

ಕರೆನ್ಸಿ ನೋಟುಗಳು ಮತ್ತು ನಾಣ್ಯಗಳ ಮೇಲಿನ ಗುರುತುಗಳನ್ನು ಉದ್ದೇಶಪೂರ್ವಕವಾಗಿ ಬದಲಾಯಿಸುವುದು, ಕರೆನ್ಸಿಗಳನ್ನು ಹರಿದು ಹಾಕುವುದು, ರಾಸಾಯನಿಕಗಳಿಂದ ತೊಳೆಯುವುದು, ತೂಕ ಮತ್ತು ಗಾತ್ರವನ್ನು ಕಡಿಮೆ ಮಾಡುವುದು ಮತ್ತು ಭಾಗಶಃ ನಾಶಪಡಿಸುವ ಅಪರಾಧಗಳಿಗೆ ಶಿಕ್ಷೆಯಾಗಲಿದೆ ಎಂದು ಪಬ್ಲಿಕ್ ಪ್ರಾಸಿಕ್ಯೂಷನ್ ಎಚ್ಚರಿಸಿದೆ.