ಭಾರತ- ಕುವೈತ್‌ ನೇರ ವಿಮಾನ ಯಾನ- ಇಂದಿನಿಂದ ಆರಂಭ

ಕುವೈತ್‌ಸಿಟಿ: ಭಾರತದಿಂದ ಕುವೈತ್‌ಗೆ ನೇರ ವಿಮಾನಗಳು ಇಂದಿನಿಂದ ಆರಂಭಗೊಂಡಿದೆ. ಏರ್ ಇಂಡಿಯಾ ಎಕ್ಸ್ ಪ್ರೆಸ್ ಸೇರಿದಂತೆ ವಿಮಾನಯಾನ ಸಂಸ್ಥೆಗಳು ಟಿಕೆಟ್ ಬುಕಿಂಗ್ ಆರಂಭಿಸಿದ್ದು, ಮೊದಲ ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ವಿಮಾನ ಇಂದು ಕೊಚ್ಚಿಯಿಂದ ಹೊರಟಿದೆ.

ಏರ್ ಇಂಡಿಯಾ ಎಕ್ಸ್ ಪ್ರೆಸ್ ಕೇರಳದಿಂದ ವಾರಕ್ಕೆ 5 ಸೇವೆಗಳನ್ನು ನಿಗದಿಪಡಿಸಿದೆ. ಮಂಗಳವಾರ ಮತ್ತು ಗುರುವಾರದಂದು ಕೊಚ್ಚಿಯಿಂದ ಮತ್ತು ಬುಧವಾರ, ಶುಕ್ರವಾರ ಹಾಗೂ ಸೋಮವಾರದಂದು ಕೋಝಿಕೋಡ್ ನಿಂದ ಸೇವೆಗಳು ಲಭ್ಯವಿವೆ. ಟಿಕೆಟ್‌ಗಳು 250 ದಿನಾರ್‌ಗಳಿಂದ ಆರಂಭ. ಬುಕಿಂಗ್ ಆರಂಭಿಸಿದ ಕೆಲವೇ ನಿಮಿಷಗಳಲ್ಲಿ ಟಿಕೆಟ್ ಗಳು ಖಾಲಿಯಾದವು.

ಕುವೈತ್ ಏರ್ವೇಸ್ ಕೂಡ ಚೆನ್ನೈನಿಂದ ಕುವೈತ್ ಗೆ ಇಂದು ವಿಮಾನ ಹಾರಾಟ ನಡೆಸಲಿದೆ. ಕುವೈತ್ ಏರ್‌ವೇಸ್ ಬುಧವಾರ ಮತ್ತು ಗುರುವಾರ ಕೊಚ್ಚಿ ಮತ್ತು ದೆಹಲಿಯಿಂದ ವಿಮಾನ ಹಾರಾಟ ನಡೆಸಲಿದೆ.

ಭಾರತದಿಂದ ಪ್ರತಿದಿನ 768 ಸೀಟುಗಳನ್ನು ಹಂಚಲಾಗುತ್ತದೆ. ಇದರ ಅರ್ಧ ಭಾಗವನ್ನು ಕುವೈತ್ ಏರ್‌ವೇಸ್ ಮತ್ತು ಜಜೀರಾ ಏರ್‌ವೇಸ್ ಹಂಚಿಕೊಳ್ಳಲಿದೆ. 50 ರಷ್ಟು ಸೀಟುಗಳನ್ನು ಭಾರತೀಯ ವಿಮಾನಯಾನ ಸಂಸ್ಥೆಗಳಿಗೆ ಮೀಸಲಿಡಲಾಗಿದೆ.