ರಿಯಾದ್: ಕೋವಿಡ್ ಮಹಾಮಾರಿಯ ಹಿನ್ನೆಲೆಯಲ್ಲಿ ಸೌದಿ ಅರೇಬಿಯಾ ವಿಧಿಸಿರುವ ಅಂತರರಾಷ್ಟ್ರೀಯ ಪ್ರಯಾಣ ನಿಷೇಧವನ್ನು ಮೇ. 17 ಸೋಮವಾರ ಬೆಳಿಗ್ಗೆ ತೆಗೆದುಹಾಕಿದೆ, ಆದರೆ ಭಾರತ ಸೇರಿದಂತೆ 13 ದೇಶಗಳೊಂದಿಗೆ ಪ್ರಯಾಣ ನಿಷೇಧವನ್ನು ಜಾರಿಯಲ್ಲಿರಿಸಲಾಗಿದೆ.ಈ ದೇಶಗಳಿಗೆ ಸ್ವದೇಶಿಗಳಿಗೆ ಪ್ರಯಾಣವನ್ನು ನಿಷೇಧಿಸಲಾಗಿದೆ. ಭಾರತದ ಜೊತೆಗೆ, ಈ ಪಟ್ಟಿಯಲ್ಲಿ ಲಿಬಿಯಾ, ಸಿರಿಯಾ, ಲೆಬನಾನ್, ಯೆಮೆನ್, ಇರಾನ್, ಟರ್ಕಿ, ಅರ್ಮೇನಿಯಾ, ಸೊಮಾಲಿಯಾ, ಕಾಂಗೋ , ಅಫ್ಘಾನಿಸ್ತಾನ, ವೆನೆಜುವೆಲಾ ಮತ್ತು ಬೆಲಾರಸ್ ಸೇರಿವೆ.
ಕೆಲವು ದೇಶಗಳಲ್ಲಿ ಸಾಂಕ್ರಾಮಿಕ ರೋಗ ಇನ್ನೂ ನಿಯಂತ್ರಣದಲ್ಲಿಲ್ಲದ ಕಾರಣ, ಮತ್ತು ಕೆಲವು ಪ್ರದೇಶಗಳಲ್ಲಿ ವೈರಸ್ನ ಆನುವಂಶಿಕ ರೂಪಾಂತರಗಳನ್ನು ಗುರುತಿಸಲಾದ ಹಿನ್ನೆಲೆಯಲ್ಲಿ ನಿಷೇಧವು ಜಾರಿಯಲ್ಲಿದೆ ಎಂದು ಸೌದಿ ಆಂತರಿಕ ಸಚಿವಾಲಯ ತಿಳಿಸಿದೆ. ಈ ದೇಶಗಳಿಗೆ ಪ್ರಯಾಣಿಸುವವರು ಪೂರ್ವಾನುಮತಿ ಪಡೆಯಬೇಕು ಎಂದು ಗೃಹ ಸಚಿವಾಲಯ ಒತ್ತಾಯಿಸಿದೆ.
ಅಸ್ಥಿರತೆ ಮುಂದುವರಿದ ಅಥವಾ ವೈರಸ್ ಹರಡುವಿಕೆಗೆ ಸಾಕ್ಷಿಯಾಗುವ ಪ್ರದೇಶಗಳಲ್ಲಿ ಜಾಗರೂಕರಾಗಿರಬೇಕು ಮತ್ತು ಎಲ್ಲಾ ಮುನ್ನೆಚ್ಚರಿಕೆ ಕ್ರಮಗಳನ್ನು ಅನುಸರಿಸಬೇಕೆಂದು ಸಚಿವಾಲಯ ಕೇಳಿದೆ.
ಭಾರತೀಯ ವಲಸಿಗರಿಗೆ ಆಸರೆಯಾಗಿರುವ ಯುಎಇಯಿಂದ ಸೌದಿ ಪ್ರಯಾಣ ನಿಷೇಧ ತೆರವುಗೊಳಿಸಲಾಗಿದೆ, ಆದರೆ ಭಾರತದಿಂದ ಸದ್ಯಕ್ಕೆ ಯುಎಇ ಪ್ರಯಾಣ ಅನಿರ್ದಿಷ್ಟಾವಧಿಗೆ ನಿಷೇಧಿಸಲಾಗಿದ್ದು ಅನಿವಾಸಿಗಳನ್ನು ತೀವ್ರ ಸಂಕಷ್ಟಕ್ಕೆ ದೂಡಿದೆ.
