ನವದೆಹಲಿ,ಡಿ.24: ಮಾಜಿ ಪ್ರಧಾನಿ ಅವರ 94ನೇ ಜನ್ಮದಿನದ ಅಂಗವಾಗಿ ಅವರ ಸ್ಮರಣಾರ್ಥ 100ರೂ ನಾಣ್ಯವನ್ನು ಪ್ರಧಾನಿ ನರೇಂದ್ರ ಮೋದಿ ಇಂದು ಬಿಡುಗಡೆ ಮಾಡಿದರು.
ದೆಹಲಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಬಿಜೆಪಿ ಮುಖ್ಯಸ್ಥ ಅಮಿತ್ ಷಾ, ಹಿರಿಯ ನಾಯಕ ಎಲ್ಕೆ ಅಡ್ವಾಣಿ, ಲೋಕಸಭೆ ಸ್ಪೀಕರ್ ಸುಮಿತ್ರಾ ಮಹಾಜನ್ ಹಾಗೂ ವಿತ್ತ ಸಚಿವ ಅರುಣ್ ಜೇಟ್ಲಿ ಉಪಸ್ಥಿತರಿದ್ದರು.
35 ಗ್ರಾಂ ತೂಕದ ಬೆಳ್ಳಿ ಬಣ್ಣದ ಈ ನ್ಯಾಣದ ಒಂದು ಬದಿ ವಾಜಪೇಯಿ ಚಿತ್ರ ಒಳಗೊಂಡಿದ್ದು, ಅವರು ಹುಟ್ಟಿದ ವರ್ಷ ಹಾಗೂ ನಿಧನರಾದ ವರ್ಷವನ್ನು ಮುದ್ರಿಸಲಾಗಿದೆ.ಇನ್ನೊಂದು ಬದಿಯಲ್ಲಿ ಅಶೋಕಸ್ತಂಬದ ಲಾಂಛನದ ಕೆಳಗೆ 100 ರೂ ಎಂಬ ಅಂಕೆಯನ್ನು ಮುದ್ರಿಸಲಾಗಿದೆ.
1924ರಲ್ಲಿ ಹುಟ್ಟಿದ ಅಟಲ್ ಬಿಹಾರಿ ವಾಜಪೇಯಿ ಮೂರು ಬಾರಿ ಪ್ರಧಾನಿಯಾಗಿ ಸೇವೆ ಸಲ್ಲಿಸಿದ್ದರು. ದೀರ್ಘ ಅನಾರೋಗ್ಯದಿಂದ ಬಳಲುತ್ತಿದ್ದ ಅವರು ಆಗಸ್ಟ್ 16ರಂದು ಸಾವನ್ನಪ್ಪಿದ್ದರು.
