ಸೌದಿ ಅರೇಬಿಯಾ: ಸೀಝನಲ್ ವೀಸಾ ಮತ್ತು ತಾತ್ಕಾಲಿಕ ವೀಸಾಗಳಿಗೆ ನಿಯಂತ್ರಣ

ರಿಯಾದ್ : ಸೌದಿ ಅರೇಬಿಯಾದಲ್ಲಿ ಸೀಝನಲ್ ವೀಸಾ ಮತ್ತು ತಾತ್ಕಾಲಿಕ ವೀಸಾಗಳಿಗೆ ನಿಯಂತ್ರಣ ಏರ್ಪಡಿಸಲಾಗಿದೆ. ಋತುಮಾನದ ವೀಸಾಗಳನ್ನು ಹೆಚ್ಚಾಗಿ ಹಜ್ಗೆ ಸಂಬಂಧಿಸಿದಂತೆ ಬಳಸಲಾಗುತ್ತದೆ. ಇದು ನಿರ್ದಿಷ್ಟ ಅವಧಿಗೆ ನುರಿತ ಕಾರ್ಮಿಕರನ್ನು ಒದಗಿಸುವ ಗುರಿಯನ್ನು ಹೊಂದಿದೆ. ಅನಧಿಕೃತ ಬಳಕೆಯನ್ನು ತಡೆಯಲು ನಿಯಂತ್ರಣಗಳನ್ನು ವಿಧಿಸಲಾಗಿದೆ.

ಖಿವಾ ಪೋರ್ಟಲ್ ಮೂಲಕ ವೀಸಾಗಳು ಲಭ್ಯವಾಗಲಿದೆ. ಅಗತ್ಯತೆಗಳನ್ನು ಪರಿಗಣಿಸಿ ವೀಸಾಗಳನ್ನು ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ಅನುಮೋದಿಸುತ್ತದೆ. ಕೃತಕ ಬುದ್ಧಿಮತ್ತೆ(artificial intelligence) ಯ ಮೂಲಕ ನುರಿತ ಕೆಲಸಗಾರರೇ ಎಂಬುದನ್ನು ಪತ್ತೆ ಹಚ್ಚುವ ವ್ಯವಸ್ಥೆಯನ್ನೂ ಸಿದ್ಧಪಡಿಸಲಾಗಿದೆ. ಉಲ್ಲಂಘನೆ ಕಂಡು ಬಂದರೆ ಕ್ರಮ ಕೈಗೊಳ್ಳಲಾಗುವುದು. 3000 ಅರ್ಜಿದಾರರ ಸಂದರ್ಶನವನ್ನು ಎರಡು ದಿನಗಳಲ್ಲಿ ಪೂರ್ಣಗೊಳಿಸುವ ವ್ಯವಸ್ಥೆಯು ಖಿವಾ ವೇದಿಕೆಯಲ್ಲಿದೆ.

ಡಿಜಿಟಲ್ ಸೇವೆಗಳ ಬಳಕೆಯ ವಿಷಯದಲ್ಲಿ ದೇಶವು ಜಾಗತಿಕವಾಗಿ ನಾಲ್ಕನೇ ಸ್ಥಾನದಲ್ಲಿದೆ. ಮಧ್ಯಪ್ರಾಚ್ಯ ದೇಶಗಳ ಪಟ್ಟಿಯಲ್ಲಿ ಸೌದಿ ಮೊದಲ ಸ್ಥಾನದಲ್ಲಿದೆ.