ರಿಯಾದ್: ನಿವಾಸ, ಉದ್ಯೋಗ ಮತ್ತು ಗಡಿ ಭದ್ರತಾ ಕಾನೂನುಗಳನ್ನು ಉಲ್ಲಂಘಿಸಿದ 14,244 ವಲಸಿಗರನ್ನು ಸೌದಿ ಅರೇಬಿಯಾದ ವಿವಿಧ ಭಾಗಗಳಲ್ಲಿ ಬಂಧಿಸಲಾಗಿದೆ. ಭದ್ರತಾ ಇಲಾಖೆಗಳು ವಿವಿಧ ಪ್ರಾಂತ್ಯಗಳಲ್ಲಿ ನಡೆಸಿದ ದಾಳಿಯಲ್ಲಿ ಇವರನ್ನು ಬಂಧಿಸಲಾಗಿದೆ ಎಂದು ಗೃಹ ಸಚಿವಾಲಯ ಮಾಹಿತಿ ನೀಡಿದೆ.
ಆಗಸ್ಟ್ 3 ರಿಂದ 9 ರ ಅವಧಿಯಲ್ಲಿ ರೆಸಿಡೆನ್ಸಿ ಕಾನೂನು ಉಲ್ಲಂಘನೆಗಾಗಿ 8,398 ಮಂದಿಯನ್ನು ಬಂಧಿಸಲಾಗಿದೆ, ಅಕ್ರಮವಾಗಿ ದೇಶದ ಗಡಿ ದಾಟಲು ಯತ್ನಿಸಿದ 3,703 ಜನರನ್ನು ಮತ್ತು ಕಾರ್ಮಿಕ ನಿಯಮಗಳನ್ನು ಪಾಲಿಸದ 2,143 ಜನರನ್ನು ಬಂಧಿಸಲಾಗಿದೆ ಎಂದು ಸಚಿವಾಲಯ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.
ಅಕ್ರಮವಾಗಿ ದೇಶವನ್ನು ಪ್ರವೇಶಿಸಲು ಪ್ರಯತ್ನಿಸುತ್ತಿರುವ 895 ಜನರಲ್ಲಿ ಬಂಧಿತರಾದ ಶೇ. 54 ಯೆಮೆನಿಗಳು, ಶೇ.45 ಇಥಿಯೋಪಿಯನ್ನರು ಮತ್ತು 1 ಪ್ರತಿಶತ ಇತರ ರಾಷ್ಟ್ರೀಯತೆಗಳು ಎಂದು ವರದಿಯಲ್ಲಿ ತಿಳಿಸಲಾಗಿದೆ.
ನೆರೆಯ ದೇಶಗಳಿಗೆ ತೆರಳಲು ಯತ್ನಿಸಿದ 38 ಜನರನ್ನು ಮತ್ತು ಅಕ್ರಮ ಸಾಗಣೆ ಮತ್ತು ಅಕ್ರಮಗಳಿಗೆ ಆಶ್ರಯ ನೀಡಿದ ಏಳು ಜನರನ್ನು ಬಂಧಿಸಲಾಗಿದೆ. ಇಲ್ಲಿಯವರೆಗೆ, 32,286 ಬಂಧಿತ ಉಲ್ಲಂಘನೆದಾರರು ತಮ್ಮ ಪ್ರಯಾಣದ ದಾಖಲೆಗಳನ್ನು ಪೂರ್ಣಗೊಳಿಸಲು ಆಯಾ ದೇಶಗಳ ರಾಯಭಾರ ಅಧಿಕಾರಿಗಳಿಗೆ ಹಸ್ತಾಂತರಿಸಿದ್ದಾರೆ.
