ರಿಯಾದ್: ನಕಲಿ ಪಾಸ್ಪೋರ್ಟ್ಗಳನ್ನು ಪತ್ತೆಹಚ್ಚಲು ಅತ್ಯಾಧುನಿಕ ತಾಂತ್ರಿಕ ವ್ಯವಸ್ಥೆಯನ್ನು ಸಿದ್ಧಪಡಿಸಲಾಗಿದೆ ಎಂದು ಮಕ್ಕಾ ಪ್ರದೇಶದ ಪಾಸ್ಪೋರ್ಟ್ ವಕ್ತಾರ ಮೇಜರ್ ಹಮೀದ್ ಅಲ್ಹಾರಿಸಿ(Major Hameed Al Harithi) ಹೇಳಿದ್ದಾರೆ. ಸೌದಿ ಅರೇಬಿಯಾಕ್ಕೆ ಆಗಮಿಸುವ ಯಾತ್ರಿಕರ ಪ್ರಯಾಣ ಪ್ರಕ್ರಿಯೆಗಳನ್ನು ಪೂರ್ಣಗೊಳಿಸಲು ಪಾಸ್ಪೋರ್ಟ್ ನಿರ್ದೇಶನಾಲಯವು(Jawazat) ನಾಲ್ಕು ಸುಧಾರಿತ ತಾಂತ್ರಿಕ ಸಾಧನಗಳನ್ನು ಬಳಸುತ್ತದೆ. ಇವುಗಳಲ್ಲಿ ಒಂದು ನಕಲಿ ದಾಖಲೆಗಳನ್ನು ಪತ್ತೆ ಹಚ್ಚುವುದಾಗಿದೆ.
ವಿಶ್ವದ ವಿವಿಧ ದೇಶಗಳ 250 ಕ್ಕೂ ಹೆಚ್ಚು ರೀತಿಯ ಪಾಸ್ಪೋರ್ಟ್ಗಳ ಡೇಟಾಬೇಸ್ (Database) ಅನ್ನು ಈ ವ್ಯವಸ್ಥೆಯಲ್ಲಿ ದಾಖಲಿಸಲಾಗಿದೆ. ಪ್ರಯಾಣದ ದಾಖಲೆಗಳನ್ನು ನಕಲಿ ಮಾಡಲಾಗಿಲ್ಲ ಎಂಬುದನ್ನು ಇದು ತ್ವರಿತವಾಗಿ ಖಚಿತಪಡಿಸುತ್ತದೆ.
ಪಾಸ್ ಪೋರ್ಟ್ ಇಲಾಖೆಯು ‘ಮೊಬೈಲ್ ಬ್ಯಾಗ್’ ಸೇವೆಯನ್ನೂ ಹೊಂದಿದೆ. ಇದು ಸಂಪೂರ್ಣ ಪಾಸ್ಪೋರ್ಟ್ ವೇದಿಕೆಯಾಗಿದೆ.ತುರ್ತು ಸಂದರ್ಭಗಳಲ್ಲಿ ಇದನ್ನು ಬಳಸಲಾಗುತ್ತದೆ. ಇದರ ಮೂಲಕ, ಪ್ರಯಾಣಿಕರ ಪ್ರವೇಶ ಪ್ರಕ್ರಿಯೆಗಳನ್ನು ಪೂರ್ಣಗೊಳಿಸಲು ಮತ್ತು ಅವರ ಬಯೋಮೆಟ್ರಿಕ್ ಗುರುತುಗಳನ್ನು ನೋಂದಾಯಿಸಲು ಸಾಧ್ಯವಿದೆ. ಇದಕ್ಕೆ ಲಗತ್ತಿಸಲಾದ ದಸ್ತಾವೇಜ್ ಕ್ಯಾಮೆರಾ (Documentation Camera) ಮೂಲಕ ಜನರ ಪ್ರಮುಖ ಬಯೋಮೆಟ್ರಿಕ್ ಚಿಹ್ನೆಗಳ ಮೂಲಕ ಗುರುತನ್ನು ಪರಿಶೀಲಿಸಬಹುದು ಎಂದು ಪಾಸ್ಪೋರ್ಟ್ ವಕ್ತಾರರು ತಿಳಿಸಿದ್ದಾರೆ.
