ರಿಯಾದ್ : ವಿದೇಶದಿಂದ ಆಗಮಿಸುವ ಯಾತ್ರಿಕರು ಉಮ್ರಾ, ಮಕ್ಕಾ ಮತ್ತು ಮದೀನಾಗಳನ್ನು ಇನ್ಮುಂದೆ ಸ್ವಂತವಾಗಿಯೇ ಅನುಮತಿ ಪಡೆದು ಪ್ರವೇಶಿಸಬಹುದು. ಹಜ್ ಮತ್ತು ಉಮ್ರಾ ಸಚಿವಾಲಯವು ಎರಡು ಮೊಬೈಲ್ ಆ್ಯಪ್ ಮೂಲಕ ಇದನ್ನು ಸುಗಮಗೊಳಿಸಿದೆ.
ಸೌದಿ ಅರೇಬಿಯಾದಲ್ಲಿ, ನೀವು ಈ ಅಪ್ಲಿಕೇಶನ್ ಮೂಲಕ ಪರವಾನಗಿಯನ್ನು ಪಡೆಯಬಹುದು. ಹೊಸ ಸೇವೆಯು ಇಅ್ ತಮರ್ನಾ ಮತ್ತು ತವಕ್ಕಲ್ನಾ ಅಪ್ಲಿಕೇಶನ್ಗಳ ಮೂಲಕ ಲಭ್ಯವಿದೆ.
ಸೌದಿ ಅರೇಬಿಯಾಕ್ಕೆ ಆಗಮಿಸುವ ವಿದೇಶಿ ಯಾತ್ರಿಕರು ಈ ಅಪ್ಲಿಕೇಶನ್ಗಳ ಮೂಲಕ ಪರವಾನಗಿ ಪಡೆಯಬಹುದು. ಈ ಹಿಂದೆ ಸೌದಿ ಅರೇಬಿಯಾದ ಉಮ್ರಾ ಏಜೆನ್ಸಿಗಳ ಮೂಲಕ ವಿದೇಶಿ ಪ್ರಯಾಣಿಕರಿಗೆ ಪರವಾನಗಿ ನೀಡಲಾಗುತ್ತಿತ್ತು. ಇನ್ನು ಮುಂದೆ ಮಧ್ಯವರ್ತಿಗಳ ಅವಶ್ಯಕತೆ ಇರುವುದಿಲ್ಲ.
ಈ ಯೋಜನೆಯು ಸೌದಿ ಅಥಾರಿಟಿ ಫಾರ್ ಡೇಟಾ ಮತ್ತು ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ನ ಸಹಯೋಗದಲ್ಲಿದೆ. ಸೌದಿ ಅರೇಬಿಯಾ ಅನುಮೋದಿಸಿದ ಕೋವಿಡ್ ಲಸಿಕೆಯ ಎರಡೂ ಡೋಸ್ಗಳನ್ನು ಪಡೆದವರಿಗೆ ಅನುಮತಿ ನೀಡಲಾಗುತ್ತದೆ. ಅವರು ಸೌದಿ ಅರೇಬಿಯಾವನ್ನು ತಲುಪುವ ಮೊದಲು, ಖುದುಮ್ ವಿಭಾಗದ ಮೂಲಕ ನೋಂದಾಯಿಸಿಕೊಳ್ಳಬೇಕು.
ಇದು ಮಸ್ಜಿದುಲ್-ಹರಾಮ್ನಲ್ಲಿ ಪ್ರಾರ್ಥನೆಗೆ ಹಾಜರಾಗಲು ಮತ್ತು ಮಸ್ಜಿದ್ ಅಲ್-ನಬವಿಯಲ್ಲಿ ಪ್ರವಾದಿ ರೌಳಾ ಝಿಯಾರತ್ ಮಾಡುವ ಪರವಾನಗಿಯನ್ನು ಪಡೆಯಲು ನಿಮಗೆ ಅನುವು ಮಾಡಿಕೊಡುತ್ತದೆ.
