ನವದೆಹಲಿ : ಏರ್ ಇಂಡಿಯಾ ವಿಮಾನಯಾನ ಸಂಸ್ಥೆಯು ಮೇ. 4ರಿಂದ ತನ್ನ ದೇಶೀಯ ವಿಮಾನ ಯಾನ ಸೇವೆಯನ್ನು ಆರಂಭಿಸಲಿದೆ. ಲಾಕ್ಡೌನ್ ಎರಡನೇ ಭಾಗದ ಅವಧಿ ಮೇ 3ಕ್ಕೆ ಕೊನೆಗೊಳ್ಳಲಿದ್ದು ಮಾರನೇ ದಿನದಿಂದಲೇ ವಿಮಾನ ಹಾರಾಟ ಆರಂಭಿಸಲು ಏರ್ ಇಂಡಿಯಾ ಉತ್ಸುಕವಾಗಿದೆ.
ಈ ನಿಟ್ಟಿನಲ್ಲಿ ಮೇ 4ರಿಂದ ದೇಶೀಯ ವಿಮಾಣ ಪ್ರಯಾಣಕ್ಕೆ ಏರ್ ಇಂಡಿಯಾ ಈಗಾಗಲೇ ತನ್ನ ಮುಂಗಡ ಸೇವೆಯನ್ನು ಆರಂಭಿಸಿದೆ. ಲಾಕ್ಡೌನ್ ಮತ್ತೆ ಮುಂದುವರಿಯಬಹುದೇನೋ ಎಂಬ ಆತಂಕಗಳಿಗೆ ತೆರ ಎಳೆಯುವಂತೆ ಏರ್ ಇಂಡಿಯಾ ಸೀಟು ಕಾದಿರಿಸುವಿಕೆ ಶುರು ಹಚ್ಚಿಕೊಂಡಿದೆ.
ಆದರೆ ಇದೇ ವೇಳೆ ಅಂತಾರಾಷ್ಟ್ರೀಯ ಹಾರಾಟಕ್ಕೆ ಗ್ರಾಹಕರು ಜೂನ್ ಒಂದರವರೆಗೆ ಕಾಯಬೇಕು ಎಂದೂ ಏರ್ ಇಂಡಿಯಾ ಹೇಳಿದೆ. ಬೆಂಗಳೂರು, ಮುಂಬಯಿ, ಕೋಲ್ಕೊತಾ, ಚೆನ್ನೈ ಮತ್ತು ಹೊಸದಿಲ್ಲಿ ವಲಯಗಳಲ್ಲಿ ವಿಮಾನ ಹಾರಾಟಕ್ಕೆ ಸೀಟು ಕಾದಿರಿಸುವಿಕೆಯನ್ನು ಮೊದಲಿಗೆ ಆರಂಭವಾಗಲಿದೆ.
ಏರ್ ಇಂಡಿಯಾದ ಈ ಮೇಲ್ಪಂಕ್ತಿಯನ್ನು ನೋಡಿ ಖಾಸಗಿ ವಲಯದ ಯಾಣ ಸಂಸ್ಥೆಗಳು ಕೂಡ ಬುಕಿಂಗ್ ಆರಂಭಿಸಲು ಮುಂದಾಗಿವೆ. ಮೇ 4ರಿಂದ ಸೇವೆ ಸಿದ್ಧ ಎಂದು ಇಂಡಿಗೊ ಏರ್ಲೈನ್ಸ್ ಹೇಳಿದೆ.
