ಮಂಗಳೂರು, ನ. 20: ನಗರದ ಪಂಪ್‌ವೆಲ್ ಸಮೀಪದ ಉಜ್ಜೋಡಿಯಲ್ಲಿ ಬುಧವಾರ ಸಂಜೆ ನಡೆದ ಅಪಘಾತದಲ್ಲಿ ಯುವ ವಿದ್ವಾಂಸರಾದ ಹಾಫಿಲ್ ತೌಸೀಫ್ ಅಹ್ಮದ್ ಹಿಮಮಿ ಅಫ್ಳಲ್ ಸಅದಿ ನಿಧನರಾಗಿದ್ದಾರೆ.
ಮೇಲ್ಕಾರ್‌ನ ಅಲಡ್ಕ ಹಮೀದ್ ಎಂಬವರ ಪುತ್ರ ಹಾಗೂ ಪುತ್ತೂರು ಕುಂಬ್ರ ಶೇಖಮಲೆ ಮರ್ಹೂಮ್ ಮಮ್ಮುಂಞಿ ಹಾಜಿಯವರ ಮೊಮ್ಮಗ ತೌಸೀಫ್ ಅಹ್ಮದ್ ಮಂಗಳೂರಿನ ಕಂಕನಾಡಿಯಲ್ಲಿರುವ ತರ್ತೀಲ್ ಖುರ್ ಆನ್ ಅಕಾಡಮಿಯಲ್ಲಿ ಧಾರ್ಮಿಕ ಶಿಕ್ಷಣ ನೀಡಲು ತೆರಳುತ್ತಿರುವ ಸಂದರ್ಭ ಅವರ ಸ್ಕೂಟರಿಗೆ ಖಾಸಗೀ ಬಸ್ಸೊಂದು ಡಿಕ್ಕಿ ಹೊಡದ ಪರಿಣಾಮ ಈ ಅವಘಡ ಸಂಭವಿಸಿದೆ.
ಬಸ್ ಚಾಲಕನ ಅಜಾಗರೂಕತೆಯಿಂದ ಅಪಘಾತ ಸಂಭವಿಸಿದ್ದು, ರಾಷ್ಟ್ರೀರ ಹೆದ್ದಾರಿ ಪ್ರಾಧಿಕಾರ, ಗುತ್ತಿಗೆ ದಾರರು ಹಾಗೂ ಬಸ್ ಚಾಲಕನ ವಿರುದ್ದ ಕ್ರಮ ಕೈಗೊಳ್ಳುವಂತೆ ದೂರು ನೀಡಲಾಗಿದೆ.ಮೃತ ಹಾಫಿಳ್ ಪತ್ನಿ ಹಾಗೂ ಎರಡು ಮಕ್ಕಳನ್ನು ಅಗಲಿದ್ದಾರೆ.
ಕುರ್ ಆನ್ ಕಂಠಪಾಠ ಮಾಡಿ ಮುಹಿಮ್ಮಾತಿನಲ್ಲಿ ಉನ್ನತ ದರ್ಜೆಯೊಂದಿಗೆ ಹಿಮಮಿ ಪದವಿ ಪಡೆದು ಕಾಸರಗೋಡು ಜಾಮಿಅ ಸಅದಿಯ್ಯಾ ಶರೀಅತ್ ಕಾಲೇಜಿನಿಂದ 2013 ರಲ್ಲಿ ಅಫ್ಲಲ್ ಸಅದಿ ಪದವಿಯನ್ನೂ ಪ್ರಥಮ ದರ್ಜೆಯೊಂದಿಗೆ ಪಡೆದ ತೌಸೀಫ್ ಹಿಮಮಿಯವರು ಕುತ್ತಾರು ಎಚ್ ಎಚ್ ದಅವಾ ಕಾಲೇಜಿನಲ್ಲಿ ಮುದರ್ರಿಸರಾಗಿ ಸೇವೆ ಗೈಯ್ಯುತ್ತಿದ್ದರು.
