ಮಕ್ಕಾ: ಕೆಸಿಎಫ್ HVC 2019 ಇದರ ವತಿಯಿಂದ ಮಕ್ಕತುಲ್ ಮುಕರ್ರಮದ ಹಜ್ಜ್ ಬಿಲ್ಡಿಂಗ್ ನಂಬರ್ 736 ಅಜಿಯಾದ್ ಸದ್ದ್ ನಲ್ಲಿ ಮಂಗಳೂರಿನಿಂದ ಬಂದ ಹಜ್ಜಾಜಿಗಳಿಗೆ ಉಮರ್ ಮದನಿ ಖಾಮಿಲ್ ಸಖಾಫಿ ಪರಪ್ಪು ಉಸ್ತಾದರ ನೇತೃತ್ವದಲ್ಲಿ ಹಜ್ಜ್ ತರಗತಿ ನಡೆಯಿತು.
ನಂತರ ಅಲ್ ಮದೀನಾ ಇಸ್ಲಾಮಿಕ್ ಕಾಂಪ್ಲೆಕ್ಸ್ ಮಂಜನಾಡಿ ಇದರ ಶಿಲ್ಪಿಯೂ ಸಮಸ್ತ ಕೇಂದ್ರ ಮುಶಾವರ ಸದಸ್ಯರೂ ಆದ ಮರ್ಹೂಂ ಶೈಖುನಾ ಶರಫುಲ್ ಉಲಮಾ ಅಬ್ಬಾಸ್ ಉಸ್ತಾದ್ ರವರ ಹೆಸರಲ್ಲಿ ತಹ್ಲೀಲ್ ಮಜ್ಲಿಸ್ ಹಾಗೂ ಜನಾಝ ನಮಾಝ್ ನಡೆಯಿತು.
ಸಯ್ಯಿದ್ ಶರಫುದ್ದೀನ್ ತಂಙಳ್ ಕೊಡಗು ದುಆ ನಡೆಸಿದರು. ಮಕ್ಕತುಲ್ ಮುಕರ್ರಮಃ HVC ಕ್ಯಾಪ್ಟನ್ ಮೂಸ ಹಾಜಿ ಕಿನ್ಯ ಸ್ವಾಗತಿಸಿ, ಮಲ್ಜಹ್ ಆರ್ಗನೈಸರ್ ಖಾಲಿದ್ ಕಬಕ ದನ್ಯವಾದ ಸಲ್ಲಿಸಿದರು. ಈ ಸಂದರ್ಭ ಇಂಡಿಯನ್ ಹಜ್ ಕಮಿಟಿ ವೆಲ್ಫೇರ್ ಸರ್ವಿಸ್ ನೇತಾರರಾದ ಖಾಸಿಮ್ ಹಾಜಿಯವರು HVC ಸ್ವಯಂಸೇವಕರ ಸೇವೆಯನ್ನು ಕಂಡು ಮೆಚ್ಚುಗೆ ವ್ಯಕ್ತಪಡಿಸಿ ತಮ್ಮ ಅನುಭವವನ್ನು ವಿವರಿಸಿದರು. ಹೆಚ್ ವಿ ಸಿ ಮಕ್ಕಾ ವೈಸ್ ಕ್ಯಾಪ್ಟನ್ ಹಾರಿಸ್ ಕಿನ್ಯಾ ಮೊದಲಾದವರು ಉಪಸ್ಥಿತರಿದ್ದರು.
