ಹಮಾಸ್ ನಾಯಕರನ್ನು ಭಯೋತ್ಪಾದಕರು ಎಂದು ಬಣ್ಣಿಸಿದ ಸೌದಿ ಚಾನೆಲ್- ತನಿಖೆಗೆ ಆದೇಶ

ರಿಯಾದ್: ಹಮಾಸ್ ನಾಯಕರನ್ನು ಭಯೋತ್ಪಾದಕರು ಎಂದು ಬಣ್ಣಿಸಿದ ಚಾನೆಲ್ ಮುಖ್ಯಸ್ಥರ ವಿರುದ್ಧ ಸೌದಿ ಅರೇಬಿಯಾದ ಮಾಧ್ಯಮ ನಿಯಂತ್ರಣ ಪ್ರಾಧಿಕಾರ ತನಿಖೆಯನ್ನು ಘೋಷಿಸಿದೆ. ಯಹ್ಯಾ ಸಿನ್ವಾರ್ ಸಾವಿಗೆ ಸಂಬಂಧಿಸಿದ ಸುದ್ದಿಯ ನಂತರ, ಸೌದಿಯ ಪ್ರಮುಖ ಚಾನೆಲ್ ಹಮಾಸ್ ನಾಯಕರನ್ನು ಭಯೋತ್ಪಾದಕರು ಎಂದು ಬಣ್ಣಿಸಿದೆ. ಇದು ಅರಬ್ ಜಗತ್ತಿನಲ್ಲಿ ವಿವಾದವನ್ನು ಸೃಷ್ಟಿಸಿದೆ.

ಇರಾಕ್‌ನಲ್ಲಿರುವ ಚಾನೆಲ್‌ನ ಕಚೇರಿಯ ವಿರುದ್ಧವೂ ಪ್ರತಿಭಟನೆಗಳು ನಡೆದವು. ಇದರ ಬೆನ್ನಲ್ಲೇ ವಿವಾದಿತ ವರದಿ ಪ್ರಸಾರ ಮಾಡಿದ ವಾಹಿನಿಯ ವಿರುದ್ಧ ಕ್ರಮ ಕೈಗೊಳ್ಳಲಾಗಿದೆ. ಅಧಿಕಾರಿಗಳು ಚಾನಲ್ ಹೆಸರನ್ನು ಬಿಡುಗಡೆ ಮಾಡಿಲ್ಲ. ಸೌದಿ ಅರೇಬಿಯಾದಲ್ಲಿ ಮಾಧ್ಯಮ ಕಾನೂನು ಮತ್ತು ನಿಬಂಧನೆಗಳನ್ನು ಅನುಸರಿಸದವರ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎಂದು ಮಾಧ್ಯಮ ನಿಯಂತ್ರಣದ ಜನರಲ್ ಅಥಾರಿಟಿ ಸ್ಪಷ್ಟಪಡಿಸಿದೆ.

ಸೌದಿಯ ನಿಷೇಧಿತ ಪಟ್ಟಿಯಲ್ಲಿರುವ ಸಂಘಟನೆಯಾಗಿದೆ ಹಮಾಸ್ . ಆದರೆ ಸೌದಿ ಅರೇಬಿಯಾ ಅಕ್ಟೋಬರ್ 7 ರಿಂದ ಹಮಾಸ್ ವಿರುದ್ಧ ಯಾವುದೇ ಬಹಿರಂಗ ಹೇಳಿಕೆ ನೀಡಿಲ್ಲ. ಸೌದಿ ಅರೇಬಿಯಾ ಈ ಹಿಂದೆ ಪ್ಯಾಲೆಸ್ತೀನ್ ವಿಚಾರದಲ್ಲಿ ಇಸ್ರೇಲ್ ಜೊತೆ ಅಮೆರಿಕದ ಮೂಲಕ ಮಾತುಕತೆ ನಡೆಸಿತ್ತು. ಪ್ಯಾಲೆಸ್ತೀನ್ ರಾಷ್ಟ್ರವನ್ನು ರಚಿಸದೆ ಇಸ್ರೇಲ್ ಜೊತೆ ಸಂಬಂಧವನ್ನು ಸ್ಥಾಪಿಸುವುದಿಲ್ಲ ಎಂದು ಸೌದಿ ಅರೇಬಿಯಾ ಹೇಳಿಕೆ ನೀಡಿದ್ದರಿಂದ ಉಭಯ ದೇಶಗಳ ನಡುವಿನ ಮಾತುಕತೆ ಕೊನೆಗೊಂಡಿದೆ. 1967 ರ ಗಡಿಯೊಂದಿಗೆ ಪ್ಯಾಲೆಸ್ತೀನ್ ರಾಜ್ಯ ರಚನೆಯಾಗುವವರೆಗೂ ಇಸ್ರೇಲ್‌ನೊಂದಿಗೆ ಯಾವುದೇ ಸಂಬಂಧವಿಲ್ಲ ಎಂದು ಕ್ರೌನ್ ಪ್ರಿನ್ಸ್ ಹೇಳಿದ್ದಾರೆ.