ಉಡುಪಿ:ದೇಶವು ಆ.15ರಂದು 74ನೇ ಸ್ವಾತಂತ್ರ್ಯ ದಿನಾಚರಣೆಗೆ ಸಕಲ ಸಿದ್ಧತೆ ಮಾಡಿಕೊಂಡಿದೆ. ಆದರೆ ಈ ಬಾರಿ ಕೊರೊನಾ ಮಹಾಮಾರಿಯಿಂದಾಗಿ ಸ್ವಾತಂತ್ರ್ಯ ದಿನವನ್ನು ಸಾರ್ವಜನಿಕವಾಗಿ ಆಚರಿಸಲು ಸಾಧ್ಯವಾಗುತ್ತಿಲ್ಲ. ಏತನ್ಮಧ್ಯೆ ಮಾರುಕಟ್ಟೆಗೆ ತಿರಂಗಾ ಬಣ್ಣದ ಬಗೆಬಗೆಯ ಮಾಸ್ಕ್‌ಗಳು ಲಗ್ಗೆ ಇಟ್ಟಿವೆ.
ತ್ರಿವರ್ಣ ಮುಖವಾಡವನ್ನು ನಿಷೇಧಿಸುವಂತೆ ಕಾಂಗ್ರೆಸ್ ಮುಖಂಡ ದಿಗಂಬಾರ್ ಕಾಮತ್ ಬುಧವಾರ ಪ್ರಧಾನಿ ನರೇಂದ್ರ ಮೋದಿಯವರನ್ನು ಒತ್ತಾಯಿಸಿದ್ದರು. “ವಾಸ್ತವವಾಗಿ, ಈ ದಿನಗಳಲ್ಲಿ ಮಾರುಕಟ್ಟೆಗಳಲ್ಲಿ ಅನೇಕ ರೀತಿಯ ಮುಖವಾಡಗಳಿವೆ, ಮತ್ತು ಈಗ ಸ್ವಾತಂತ್ರ್ಯ ದಿನಾಚರಣೆಗೆ ಅನುಗುಣವಾಗಿ, ತ್ರಿವರ್ಣ ಮುಖವಾಡಗಳನ್ನು ಸಹ ಮಾರುಕಟ್ಟೆಗಳಲ್ಲಿ ಮಾರಾಟ ಮಾಡಲಾಗುತ್ತಿದೆ.
ಈ ಮುಖವಾಡಗಳು ಭಾರತದ ರಾಷ್ಟ್ರೀಯ ಧ್ವಜ ಮತ್ತು ಅಶೋಕ ಚಕ್ರದ ಮೂರು ಬಣ್ಣಗಳನ್ನು ಹೊಂದಿವೆ. ಈ ಮುಖವಾಡಗಳ ಬಗ್ಗೆ ಕಾಂಗ್ರೆಸ್ ಮುಖಂಡ ದಿಗಂಬಾರ್ ಕಾಮತ್ ಆಕ್ಷೇಪ ವ್ಯಕ್ತಪಡಿಸಿ ಟ್ವೀಟ್ ಮಾಡಿದ್ದರು.
ರಾಷ್ಟ್ರ ಧ್ವಜದ ಅವಹೇಳನ, ಸುಡುವುದು ಮತ್ತು ಧ್ವಜವನ್ನು ವಿರೂಪಗೊಳಿಸುವುದು ರಾಷ್ಟ್ರದ್ರೋಹ. ಕೊರೊನಾ ಹಿನ್ನೆಲೆಯಲ್ಲಿಮಾರುಕಟ್ಟೆಗೆ ಲಗ್ಗೆ ಇಟ್ಟ ತ್ರಿವರ್ಣದ ಮಾಸ್ಕ್‌ಗಳು ಒಂದು ದಿವಸಕ್ಕೆ ಮಾತ್ರ ಸೀಮಿತಗೊಂಡಿರುತ್ತದೆ. ಆದರೆ ಬಳಿಕ ಈ ಧರಿಸಿದ ಮಾಸ್ಕ್‌ಗಳು ಎಲ್ಲೆಂದರಲ್ಲಿಎಸೆಯಲ್ಪಡುತ್ತವೆ. ರಾಷ್ಟ್ರ ಧ್ವಜವನ್ನು ಕೇವಲ ಬಾವುಟವಾಗಿ ಬಳಸಬೇಕೇ ವಿನಃ ಮುಖ ಕವಚವಾಗಿ ಧರಿಸುವುದು, ಕರವಸ್ತ್ರವಾಗಿ ಉಪಯೋಗಿಸುವುದು ಸರಿಯಲ್ಲ. ಇದು ರಾಷ್ಟ್ರೀಯ ಭಾವೈಕ್ಯತೆಗೆ ಧಕ್ಕೆ ತರುವ ವಿಷಯ.
ತ್ರಿವರ್ಣ ಧ್ವಜದ ಮಾಸ್ಕ್ ಮಾರಾಟ ಮಾಡುವುದಾಗಲಿ ಧರಿಸುವುದಾಗಲಿ ಕಾನೂನು ಬಾಹಿರ. ಫ್ಲ್ಯಾಗ್‌ ಕೋಡ್‌ನಲ್ಲಿ ಅವಕಾಶ ಇರುವುದಿಲ್ಲ. ಫ್ಲ್ಯಾಗ್‌ ಕೋಡ್‌ ಉಲ್ಲಂಘನೆ ಮಾಡಿದರೆ ಕ್ರಮ ಜರುಗಿಸಲಾಗುವುದು.
ಜಿ.ಜಗದೀಶ್‌, ಜಿಲ್ಲಾಧಿಕಾರಿಗಳು, ಉಡುಪಿ ಜಿಲ್ಲೆ
