‘ಲೆವಿ’ ಯ ದುಷ್ಪರಿಣಾಮಗಳ ಕುರಿತು ಅಧ್ಯಯನ ನಡೆಸುವಂತೆ ಸೌದಿ ಶುರಾ ಕೌನ್ಸಿಲ್ ಆಗ್ರಹ

ರಿಯಾದ್: ದೇಶದಲ್ಲಿ ವಿದೇಶಿಯರ ಮೇಲೆ ವಿಧಿಸಲಾದ ತೆರಿಗೆಯ ದುಷ್ಪರಿಣಾಮಗಳ ಬಗ್ಗೆ ಅಧ್ಯಯನ ನಡೆಸುವಂತೆ ಸೌದಿ ಶುರಾ ಕೌನ್ಸಿಲ್ ಬಯಸಿದೆ. ಸೋಮವಾರ ಸಭೆ ನಡೆಸಿ ವಿವಿಧ ವಿಷಯಗಳ ಬಗ್ಗೆ ಚರ್ಚಿಸಲಾಗಿದೆ ಎಂದು ಸ್ಥಳೀಯ ಅರಬ್ ಮಾಧ್ಯಮಗಳು ವರದಿ ಮಾಡಿವೆ. ಸ್ಥಳೀಯರನ್ನು ಖಾಸಗಿ ವಲಯದಲ್ಲಿ ಕೆಲಸ ಮಾಡುವಂತೆ ಆಕರ್ಷಿಸಲು ಕನಿಷ್ಠ ವೇತನ ಮಿತಿಯನ್ನು ಹೆಚ್ಚಿಸಬೇಕು ಇದು ನಿರುದ್ಯೋಗ ನಿಯಂತ್ರಣಕ್ಕೆ ಉತ್ತಮ ಪರಿಹಾರವಾಗಿದೆ ಎಂದು ಸದಸ್ಯರು ಸೂಚಿಸಿದರು.

ಕಾರ್ಮಿಕ ಮತ್ತು ಸಾಮಾಜಿಕ ಅಭಿವೃದ್ಧಿ ಸಚಿವಾಲಯದ ವರದಿಯ ಕುರಿತು ನಡೆದ ಚರ್ಚೆಯ ಸಂದರ್ಭದಲ್ಲಿ, ಕೌನ್ಸಿಲ್ ಸದಸ್ಯ ಅಸ್ಸಾಫ್ ಅಬುತುನ್ಯಾನ್, ವಿದೇಶಿ ಕಾರ್ಮಿಕರ ತೆರಿಗೆಯ ಆರ್ಥಿಕ ಮತ್ತು ಸಾಮಾಜಿಕ ಪರಿಣಾಮಗಳನ್ನು ಅಧ್ಯಯನ ಮಾಡಬೇಕು ಎಂದು ಸಲಹೆ ನೀಡಿದರು. ನಾಗರಿಕರ ಪರಿಸ್ಥಿತಿಗಳನ್ನು ಸುಧಾರಿಸಲು ಖಾಸಗಿ ವಲಯದ ಕೆಲಸಗಳಲ್ಲಿ ದೇಶೀಕರಣಗೊಳಿಸುವ ಕ್ರಮವನ್ನು ಸದಸ್ಯ ಡಾ.ಸಾಮಿ‌ಅ ಬುಖಾರಿ ಶ್ಲಾಘಿಸಿದರು ಮತ್ತು ಉನ್ನತ ಸ್ಥಾನಗಳಲ್ಲಿ ಖಾಸಗೀರಣವನ್ನು ಹೆಚ್ಚಿಸುವ ಕ್ರಮವನ್ನು ಬೆಂಬಲಿಸಿದರು. ಕನಿಷ್ಠ ವೇತನವನ್ನು ಹೆಚ್ಚಿಸುವಂತೆ ಬುಖಾರಿ ಕರೆ ನೀಡಿದರು.

ಕೌನ್ಸಿಲ್ ಸದಸ್ಯರಾದ ಉಸಾಮಾ ಅಲ್-ರಫಿಯಾ, ಸೌದಿ ಯೋಜನೆಯ ಧನಾತ್ಮಕ ಮತ್ತು ಋಣಾತ್ಮಕ ಪರಿಣಾಮಗಳು ನಿತಾಖಾತ್ ಗುತ್ತಿಗೆ, ಕಾರ್ಯಾಚರಣೆಗಳು ಮತ್ತು ನಿರ್ವಹಣೆಯ ಮೇಲೆ ಗಮನ ಸೆಳೆದರು. ಖಾಸಗಿ ವಲಯದಲ್ಲಿ ಸ್ವದೇಶಿ ಉದ್ಯೋಗದ ಪ್ರಮಾಣವನ್ನು ಹೆಚ್ಚಿಸುವ ಸಚಿವಾಲಯದ ಕ್ರಮವನ್ನು ಡಾ.ಫಹದ್ ಬಿನ್ ಜುಮಾ ಬೆಂಬಲಿಸಿದರು.10 ವರ್ಷಗಳಲ್ಲಿ ಇದನ್ನು ಉದ್ದೇಶಿತ ವಲಯಗಳಲ್ಲಿ ಶೇಕಡಾ 80ಕ್ಕೆ ಹೆಚ್ಚಿಸಬೇಕು ಎಂದು ಫಹದ್ ಬಿನ್ ಜುಮಾ ಹೇಳಿದರು.