ರಿಯಾದ್: ಸೌದಿಯಲ್ಲಿನ ಹೋಂ ಡೆಲಿವರಿ ವ್ಯವಸ್ಥೆ ಮತ್ತು ಹಾಸ್ಪಿಟಾಲಿಟಿ ವಲಯದಲ್ಲಿನ ಚಾಲನಾ ಉದ್ಯೋಗಗಳನ್ನು ಸ್ವದೇಶೀಕರಣ ಗೊಳಿಸಲಾಗುತ್ತಿವೆ. ಕಾರ್ಮಿಕ ಮತ್ತು ಸಾಮಾಜಿಕ ಅಭಿವೃದ್ಧಿ ಸಚಿವಾಲಯವು ಈ ಬಗೆಗಿನ ಶಾಸನವನ್ನು ಪ್ರಾರಂಭಿಸಲಾಗಿದೆ ಎಂದು ಹೇಳಿದೆ. ಭಾರತೀಯರು ಸೇರಿದಂತೆ ಸಾವಿರಾರು ವಿದೇಶಿಯರು ಈ ವಲಯದಲ್ಲಿ ಉದ್ಯೋಗ ನಿರ್ವಹಿಸುತ್ತಿದ್ದಾರೆ.
ದೇಶದ ಸಾರ್ವಜನಿಕ ಸಾರಿಗೆ ಪ್ರಾಧಿಕಾರದ ಸಹಯೋಗದೊಂದಿಗೆ ಈ ಯೋಜನೆಯನ್ನು ಜಾರಿಗೆ ತರಲಾಗುವುದು. ಸಾರ್ವಜನಿಕ ಸಾರಿಗೆ ಪ್ರಾಧಿಕಾರದ ಅಧ್ಯಕ್ಷ ಫವಾಜ್ ಅಲ್ ಸಹ್ಲಿ ಮಾತನಾಡಿ, ಆನ್ಲೈನ್ ಮೂಲಕ ಮತ್ತು ಹೋಟೆಲ್ ಮತ್ತು ರೆಸ್ಟೋರೆಂಟ್ಗಳ ನೇರವಾಗಿ ನಡೆಸುವ ವಿತರಣೆ, ಮತ್ತು ಹಾಸ್ಪಿಟಾಲಿಟಿ ವಲಯದಲ್ಲಿ ವಿತರಣಾ ವಾಹನ ಚಾಲನಾ ಉದ್ಯೋಗಗಳು ಸೇರಿದಂತೆ ಸ್ವದೇಶೀಕರಣಗೊಳಿಸಲು ಯೋಜನೆಗಳು ನಡೆಯುತ್ತಿವೆ ಎಂದರು.
ಅಂತಹ ವ್ಯವಸ್ಥೆಗಳಿಗೆ ಬಳಸುವ ವಾಹನಗಳನ್ನು ವಿದೇಶೀಯರು ಬಳಸಿದರೆ ಕಾನೂನಿನ ಉಲ್ಲಂಘನೆ ಎಂದು ಪರಿಗಣಿಸಬೇಕು ಎಂದು ಹೊಸ ಕಾನೂನು ಷರತ್ತು ವಿಧಿಸುತ್ತದೆ. ಹಾಸ್ಪಿಟಾಲಿಟಿ ವಲಯದಲ್ಲಿ ವಾಹನಗಳನ್ನು ತಲುಪಿಸಲು ಮತ್ತು ಹಿಂದಿರುಗಿಸಲು ವಿದೇಶಿ ಚಾಲಕರನ್ನು ಬಳಸಲಾಗುತ್ತದೆ. ಇದು ಡಿಸೆಂಬರ್ ವೇಳೆಗೆ ಕೊನೆಗೊಳ್ಳುತ್ತದೆ ಮತ್ತು ಬದಲಾಗಿ ಸ್ಥಳೀಯ ಜನರಿಗೆ ಮಾತ್ರ ಸೀಮಿತವಾಗಲಿದೆ ಎಂದು ಫವಾಜ್ ಅಲ್ ಸಹ್ಲಿ ಹೇಳಿದ್ದಾರೆ. ದೇಶದಲ್ಲಿ ಫುಡ್ ಹೋಮ್ ಡೆಲಿವರಿ ವಲಯದಲ್ಲೂ ಸ್ವದೇಶೀಕರಣ ಅನುಷ್ಠಾನದೊಂದಿಗೆ, ಸಾವಿರಾರು ಸಾಮಾನ್ಯ ಜನರು ಇತರ ಕೆಲಸ ಹುಡುಕಬೇಕಾಗುತ್ತದೆ.
