ದೋಹಾ: ಕೆಲಸ ಗಿಟ್ಟಿಸಿಕೊಳ್ಳುವುದಕ್ಕಾಗಿ ನಕಲಿ ದಾಖಲೆ ಹಾಜರುಪಡಿಸಿದ ಅನಿವಾಸಿ ಏಷ್ಯಾ ಮೂಲದ ವ್ಯಕ್ತಿಗೆ ದೋಹಾದ ಅಪರಾಧಿ ನ್ಯಾಯಾಲಯವು ಮೂರು ವರ್ಷ ಜೈಲು ಮತ್ತು ದಂಡ ವಿಧಿಸಿದೆ. ಶಿಕ್ಷಾ ನಂತರ ಗಡಿಪಾರು ಮಾಡಲಾಗುವುದು ಎನ್ನಲಾಗಿದೆ.
ವೃತ್ತಿ ಸಂಬಂಧಿತ ಅವಶ್ಯಕತೆಗಾಗಿ ಆತ ನಕಲಿ ದಾಖಲೆಗಳನ್ನು ವಿದೇಶಾಂಗ ಸಚಿವಾಲಯಕ್ಕೆ ಹಾಜರುಪಡಿಸಿದ್ದ ಎನ್ನಲಾಗಿದ್ದು, ದಾಖಲೆಯಲ್ಲಿ ಖತರ್ನ ಅಟ್ಟಸ್ಟೇಷನ್ ಸ್ಟಿಕ್ಕರ್ ಅಂಟಿಸಲಾಗಿತ್ತು. ಬಂಧಿತನ ಊರಿನಲ್ಲಿ ಈ ಬಗ್ಗೆ ಪರಿಶೀಲನೆ ನಡೆಸಿದಾದ ದಾಖಲೆ ನಕಲಿ ಮಾಡಿರುವುದಾಗಿ ಸ್ಪಷ್ಟವಾಗಿದ್ದು, ಆ ಮೂಲಕ ಆತನನ್ನು ಬಂಧಿಸಲಾಗಿತ್ತು. ಆತನ ವಿರುದ್ದ ಅಪರಾಧ ಸಾಬೀತಾಗಿದ್ದು, ದೋಹಾ ಕ್ರಿಮಿನಲ್ ನ್ಯಾಯಾಲಯ ಶಿಕ್ಷೆ ವಿಧಿಸಿದೆ.
