ಟೂರಿಸ್ಟ್ ವೀಸಾಗಳ ಕಾಲಾವಧಿ ವಿಸ್ತರಿಸುವಂತೆ ಸೌದಿ ದೊರೆ ಆದೇಶ

ರಿಯಾದ್: ಸೌದಿ ಅರೇಬಿಯಾಕ್ಕೆ ಆಗಮಿಸಲು ಟೂರಿಸ್ಟ್ ವೀಸಾ ಪಡೆದು, ಕೋವಿಡ್ ಬಿಕ್ಕಟ್ಟಿನಿಂದಾಗಿ ಸೌದಿಗೆ ಆಗಮಿಸಲು ಸಾಧ್ಯವಾಗದೆ ವೀಸಾ ಅವಧಿ ಮುಗಿದವರಿಗಾಗಿ ಕರುಣೆ ತೋರಿದ ಸೌದಿ ದೊರೆ ಸಲ್ಮಾನ್.

2021 ಮಾರ್ಚ್ 24ರ ಮುಂಚಿತವಾಗಿ ವಿವಿಧ ದೇಶಗಳಿಂದ ವಿತರಿಸಲಾದ ಬಳಕೆಯಾಗದ ಎಲ್ಲಾ ಟೂರಿಸ್ಟ್ ವೀಸಾಗಳನ್ನು ವಿಸ್ತರಿಸಲು ಸೌದಿ ದೊರೆ ಪ್ರಸ್ತಾಪಿಸಿದ್ದಾರೆ.

ಅದರಂತೆ ವೀಸಾಗಳನ್ನು ವಿಸ್ತರಿಸಲಾಗಿದೆ ಎಂದು ಸೌದಿ ವಿದೇಶಾಂಗ ಸಚಿವಾಲಯ ಹೇಳಿದೆ. ವೀಸಾ ವಿಸ್ತರಣೆಯ ಮಾಹಿತಿಯನ್ನು ವೀಸಾ ಪ್ರತಿಯೊಂದಿಗೆ ಇಮೇಲ್ ಮೂಲಕ ಎಲ್ಲರಿಗೂ ಮಾಹಿತಿ ನೀಡಲಾಗುವುದು.