ನವದೆಹಲಿ: ಜಾಮಿಯ ಮಿಲಿಯಾ ಇಸ್ಲಾಮಿಯಾ ವಿವಿಗೆ ನಿನ್ನೆ ರಾತ್ರಿ ನುಗ್ಗಿ ಪೊಲೀಸರು ಗೂಂಡಾಗಿರಿಯನ್ನು ನಡೆಸಿದ್ದು, ಈ ವೇಳೆ ಪೊಲೀಸರ ಜೊತೆ ಅನಾಮಧೇಯ ವ್ಯಕ್ತಿಗಳು ಭಾಗಿಯಾಗಿದ್ದರು ಎಂಬ ಸಂಶಯ ವ್ಯಕ್ತವಾಗಿದೆ.
ಪೊಲೀಸರ ರೌದ್ರಾವತಾರದ ವಿಡಿಯೋ ಮತ್ತು ಛಾಯಾಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಪೊಲೀಸರು ಜಾಮಿಯ ವಿದ್ಯಾರ್ಥಿಗೆ ಅಮಾನುಷವಾಗಿ ಲಾಠಿಯಲ್ಲಿ ಹೊಡೆಯುತ್ತಿದ್ದಾರೆ. ಈ ವೇಳೆ ನಾಲ್ವರು ವಿದ್ಯಾರ್ಥಿನಿಯರು ಬಂದು ಆತನನ್ನು ರಕ್ಷಣೆ ಮಾಡಲು ಮುಂದಾಗುತ್ತಾರೆ. ಈ ವೇಳೆ ಪೊಲೀಸರು ವಿದ್ಯಾರ್ಥಿನಿಯರ ಮೇಲೆ ಕೂಡ ದಾಳಿ ನಡೆಸಿದ್ದಾರೆ.
ಜಾಮಿಯ ವಿವಿಗೆ ಬಂದೂಕು, ಗ್ರೆನೇಡ್, ಲಾಠಿ ಜೊತೆಗೆ ತೆಲೆಗೆ ಹೆಲ್ಮೆಟ್ ಇಟ್ಟು ಮುಖಮುಚ್ಚಿಕೊಂಡು ಬಂದ ಕೆಲವರು ಪೊಲೀಸ್ ವೇಷಧಾರಿಗಳಾಗಿದ್ದರು. ಇನ್ನು ಕೆಲವರು ಮುಖವನ್ನು ಹೆಲ್ಮೆಟ್ ನಿಂದ ಮುಚ್ಚಿಕೊಂಡಿದ್ದರು ಆದರೆ ಪೊಲೀಸ್ ವಸ್ತ್ರವನ್ನು ಧರಿಸಿರಲಿಲ್ಲ. ಕೈಯಲ್ಲಿ ಲಾಠಿ ಬದಲು ದೊಣ್ಣೆ ಇದೆ . ಈ ಕುರಿತು ಛಾಯಾಚಿತ್ರ ವೈರಲ್ ಆಗುತ್ತಿದ್ದಂತೆ ವ್ಯಾಪಕವಾಗಿ ವಿರೊಧ ವ್ಯಕ್ತವಾಗಿದ್ದು, ಹೆಲ್ಮೆಟ್ ಧರಿಸಿ ಬಂದವರು ಪೊಲೀಸರೇ ಅಥವಾ ಆರೆಸ್ಸೆಸ್ , ಸಂಘಪರಿವಾರದ ಕಾರ್ಯಕರ್ತರೇ ಎಂಬ ಪ್ರಶ್ನೆಯನ್ನು ಸಾರ್ವಜನಿಕರು ಕೇಳುತ್ತಿದ್ದಾರೆ.
