ನವದೆಹಲಿ: ನಾಳೆ (ಸೆ.1ರಿಂದ)ಯಿಂದ ರೈಲ್ವೆ ಆನ್’ಲೈನ್ ಟಿಕೆಟ್ ಬುಕ್ಕಿಂಗ್ ಶುಲ್ಕ ದುಬಾರಿಯಾಗಲಿದೆ.
ಐಆರ್ ಸಿಟಿಸಿ ನಿನ್ನೆ ಹೊರಡಿಸಿರುವ ಪ್ರಕಟಣೆಯಂತೆ, ನಾನ್ ಎಸಿ ಆಸನಗಳ ಟಿಕೆಟ್ ರೂ.15, ಎಸಿ ಸೀಟುಗಳಿಗೆ 30 ರೂ ಹೆಚ್ಚಾಗಲಿದೆ. ಸರಕು ಮತ್ತು ಸೇವೆಗಳ ಸೇವೆ (ಜಿ ಎಸ್ ಟಿ) ಶುಲ್ಕ ಪ್ರತ್ಯೇಕವಿರಲಿದೆ. ಒಂದು ತಿಂಗಳ ಹಿಂದೆ ಆನ್ ಲೈನಿನಲ್ಲಿ ಟಿಕೆಟ್ ಬುಕ್ಕಿಂಗ್ ಮಾಡುವ ಪ್ರಯಾಣಿಕರಿಗೆ ಶುಲ್ಕ ಹೆಚ್ಚಿಸಬೇಕೆಂದು ಐಆರ್ ಸಿಟಿಸಿ ಸಲ್ಲಸಿದ ಮನವಿಗೆ ಆ.30 ರಂದು ರೈಲ್ವೆ ಮಂಡಳಿ ಒಪ್ಪಿಗೆ ಸೂಚಿಸಿದೆ.
ಈ ಮೊದಲು ಆನ್ ಲೈನ್ ನಲ್ಲಿ ಬುಕ್ ಮಾಡಿದರೆ ನಾನ್ ಎಸಿಗೆ 20 ರೂ ಹಾಗೂ ಎಸಿ ಟಿಕೆಟುಗಳಿಗೆ 40 ರೂ. ವಿಧಿಸಲಾಗುತ್ತಿತ್ತು. ಡಿಜಿಟಲ್ ಪಾವತಿಗಳನ್ನು ಉತ್ತೇಜಿಸುವುದಕ್ಕಾಗಿ ಮೂರು ವರ್ಷಗಳ ಹಿಂದೆ ಸೇವಾ ಶುಲ್ಕ ವಿಧಿಸುವುದನ್ನು ಕಡಿತಗೊಳಿಸಲಾಗಿತ್ತು. ಇದರಿಂದ ಐಆರ್ ಸಿಟಿಸಿಗೆ 2016-17 ವರೆಗೆ ಶೇ.26 ಆದಾಯ ಕುಂಠಿತವಾಗಿತ್ತು.
